Qazaqstan Prezidenti Qasym-Jomart Toqaev TMD Memleketteri basshylary keńesiniń otyrysyna qatysý úshin Ashhabadqa keldi, dep habarlaidy "Ult aqparat".
«Qazaqstan Prezidenti Túrikmenstan basshysy Gýrbangýly Berdimuhamedovpen kezdesedi dep josparlanǵan. TMD elderi basshylarynyń sammitinde Memleket basshysy uiymdy odan ári damytý boiynsha óziniń kózqarasyn bildirip, Dostastyq elderiniń ózara ekonomikalyq bailanystaryn arttyrý sharalary boiynsha naqty usynystaryn aitpaq», - dep jazdy Facebook-te Prezidenttiń baspasóz hatshysy Berik Ýáli.
Keńes otyrysynyń qorytyndysy boiynsha Ashhabadta birqatar kópjaqty kelisimderge qol qoiylatyny kútiledi. Sondai-aq, Ekinshi dúniejúzilik soǵystaǵy jeńistiń 75 jyldyǵyna orai TMD halqyna jáne álemdik qoǵamdastyqqa Úndeý jariialanbaq.
TMD Memleketteri basshylary keńesiniń otyrysy búgin, 11 qazan kúni ótedi.
