Qazaqstan Prezidenti Aqmola oblysynyń ákimi Ermek Marjyqbaevty qabyldady, dep habarlaidy "Ult aqparat" Aqordaǵa silteme jasap.
Memleket basshysyna Aqmola oblysynyń biylǵy 8 aidaǵy áleýmettik-ekonomikalyq damý qorytyndylary, sondai-aq kelesi jyly Kókshetaý qalasynda ótetin Qazaqstan men Reseidiń óńiraralyq yntymaqtastyǵy forýmyna daiyndyq barysy baiandaldy.
Qazaqstan Prezidenti óńirde agroónerkásiptik keshen men týrizm salasynyń áleýetin nyǵaitýdyń mańyzdylyǵyn aityp, ákimge jer resýrstaryn tiimdi paidalaný máselesin tapsyrdy. Sondai-aq, ol balalar men jastarǵa qoljetimdi infraqurylym nysandaryn salý qajettigin atap ótti.
Kezdesý qorytyndysy boiynsha Qasym-Jomart Toqaev Ermek Marjyqbaevqa Aqmola oblysyn odan ári damytý jóninde birqatar naqty tapsyrma berdi.
