QR Syrtqy ister ministrliginiń Parijdegi iadrolyq «bestik» konferentsiiasynyń qorytyndysy boiynsha birlesken kommiýnike qatysty málimdeme jasady, dep habarlaidy "Ult aqparat".
Qazaqstan Respýblikasy Iadrolyq qarýdy taratpaý týraly sharttyń (IaQTSh) 10-shy Sholý konferentsiiasy qarsańynda 2021 jylǵy 2-3 jeltoqsanda Parijde ótken IaQTSh boiynsha bes iadrolyq memleketter konferentsiiasynyń qorytyndylaryn quptaidy.
Qazaqstan iadrolyq qarýsyzdaný men iadrolyq qarýdy taratpaýdyń jahandyq rejimin nyǵaitýdyń dáiekti jaqtaýshysy bola otyryp, IaQTSh-ty ámbebaptandyrýdy jáne onyń erejelerin barlyq qatysýshy memleketterdiń múltiksiz oryndaýyn qoldaidy, Sholý konferentsiiasyn nátijeli ótkizý maqsatynda ashyq, inkliýzivti jáne transparentti dialogty qamtamasyz etý qajettiligin ustanady.
IaQTSh sheńberindegi iadrolyq memleketterdiń erekshe mártebesi men jaýapkershiligin nazarǵa ala otyryp, iadrolyq «bestik» Parij kezdesýiniń qorytyndylaryn joǵary baǵalaimyz. Atap aitqanda, taraptardyń ózderiniń iadrolyq doktrinalaryndaǵy jáne iadrolyq saiasatyndaǵy jańartýlar týraly aqparattyń almasýyn qosa alǵanda iadrolyq qaqtyǵystar qaýpin azaitý jónindegi sharalardy, iadrolyq memleketterdiń iadrolyq synaqtarǵa jappai tyiym salý týraly sharttyń (IaSJTSSh) kúshine ený mańyzdylyǵyn talqylaýyn, sondai-aq konferentsiia qatysýshylarynyń eshbireýdiń qaýipsizdigine ziian keltirmei iadrolyq qarýdan azat aimaq qurý jónindegi túpki maqsatty qoldaýyn rastaǵanyn oń baǵalaimyz.
Qazaqstan iadrolyq qarýdan azat aimaqtardyń maqsattaryna beiildiligine qosylady jáne Ortalyq Aziiada iadrolyq qarýdan azat aimaq týraly shartqa Teris kepildikteri týraly hattamany ratifikatsiialaý protsesin tez arada aiaqtaý qajettiligin eske salady.
Qazaqstan álemdik qoǵamdastyqty elimiz bastamashylyq etken IaQTSh-tyń VI babyn júzege asyrýǵa baǵyttalǵan Iadrolyq qarýdan azat álem qurý týraly jalpyǵa ortaq deklaratsiianyń erejelerin qoldaýǵa shaqyrady. Biz bul qujatty qaýipsiz bolashaqtyń jol kartasy retinde qarastyramyz.
