Qazaqstandyq paralimpiadashylar Chehiiada ótken ashyq týrnirden 18 medal ielendi, dep habarlaidy "Ult aqparat" ulttyq paralimpiada komitetine silteme jasap.
Chehiiada para jeńil atletikadan halyqaralyq ashyq týrnir aiaqtaldy.
Jarysqa 8 eldiń úzdik atletteri qatysty.
Qazaqstannyń atynan iadro laqtyrý, uzyndyqqa sekirý, naiza jáne disk laqtyrý, júgirý qashyqtyqtary tártipteri boiynsha 9 sportshy qatysyp, 18 medal jeńip aldy.
Ulttyq quramanyń qorjynynda 5 altyn, 6 kúmis, 7 qola medal bar.
Altyn:
1. Muqashbekov Dastan – iadro laqtyrý
2. Muqashbekov Dastan – disk laqtyrý
3. Jolaman Elaman – naiza laqtyrý
4. Kalkaev Amanat –100 metr qashyqtyqqa júgirý
5. Habibýlin Rýfat – naiza laqtyrý
Kúmis:
1. Jolaman Elaman – disk laqtyrý
2. Kalkaev Amanat - 200 metr qashyqtyqqa júgirý
3. Makshat Meiirjan - 800 metr qashyqtyqqa júgirý
4. Harlamov Sergei – uzyndyqqa sekirý
5. Habibýlin Rýfat - 100 metr qashyqtyqqa júgirý
6. Habibýlin Rýfat - 200 metr qashyqtyqqa júgirý
Qola:
1. Jolaman Elaman – iadro laqtyrý
2. Bakbergen Kalganat – naiza laqtyrý
3. Kalkaev Amanat – uzyndyqqa sekirý
4. Harlamov Sergei - 100 metr qashyqtyqqa júgirý
5. Harlamov Sergei - 200 metr qashyqtyqqa júgirý
6. Mansýrbaev Ravil – iadro laktyrý
7. Makshat Meiirjan - 400 metr qashyqtyqqa júgirý
«Ulttyq qurama komandamyz jarysqa jaqsy daiyndalyp keldi. Segiz memlekettiń úzdik sportshylarynyn arasynda óner kórsetip, 18 medaldi qanjyǵaǵa bailadyq. Qalqaev Amanat, Jolaman Elaman, Dastan Muqashbekov atty sportshylarymyz ár túrli tártipter boiynsha júldeli orynǵa ie boldy. Ózderińiz biletindei biyl 24 tamyz - 5 qyrkúiek aralyǵynda Tokioda XVI jazǵy paralimpiadalyq oiyndary ótedi. Qazaqstan tarapynan 23 para sportshy qatysady, onyń ishinde Mýkashbekov Dastan men Ábilqasymqyzy Saltanat para atletikadan óner kórsetedi. Osy oiyndarda Qazaqstandyq sportshylar elimizdiń namysyn abyroimen qorǵap, júldeli oryndarǵa ie bolady dep senemin», - dedi para jeńil atletikadan ulttyq quramanyń jattyqtyrýshysy Elena Moron.
