Qazaqstandyq shańǵyshy Aleksandr Koliadin Phenchhandaǵy Paralimpiadada altyn medal jeńip aldy, dep habarlaidy "Ult aqparat".
14 naýryzda ótken shańǵy jarysy Qazaqstan úshin jeńispen aiaqtaldy. Klassikalyq ádispen 1,5 shaqyrymdyq sprinterlik shańǵy jarysynda jarysqan sportshylar arasynda qazaqstandyq sportshy irikteý kezeńinde de, jartylai finalda da úzdik boldy.
Aleksandr Koliadin finalda 4 minýt 19,7 sekýnd nátijesin kórsetip, aldyna jan salmady. Kúmis medal japoniialyq Ioshihiro Nittanyń enshisinde ketse, «qolaǵa» Kanada ókili Mark Arendz jáne Finliandiiadan Iikk Týomisto qol jetkizdi.
Dúisenbide, 12 naýryzda taǵy bir qazaqstandyq shańǵyshy Aleksandr Gerlitso erkin stilde 20 shaqyrymdyq jarysta júldeli orynǵa talpynǵan, alaida ol tórtinshi bolyp kelgen-tin.
Aita keteiik, bul - Qazaqstannyń qysqy Paralimpiadada alǵan alǵashqy altyny. 1994 jyly Lillehammerde (Norvegiia) ótken Paralimpiadada qazaqstandyq Liýbov Vorobeva shańǵy jarysynda qola alǵan. Odan keiingi Paralimpiadada Qazaqstan sportshylary medal ielengen joq.
