Foto: depositphotos.com
Memleket basshysy Qasym-Jomart Toqaevtyń tapsyrmasyna sáikes Qazaqstan Palestinaǵa qosymsha gýmanitarlyq kómek kórsetedi, - dep habarlaidy "Ult aqparat" Úkimettiń baspasóz qyzmetine silteme jasap.
"Atalǵan másele Premer-ministrdiń birinshi orynbasary Roman Skliardyń tóraǵalyǵymen ótken Úkimettik komissiia otyrysynda talqylandy.
Gýmanitarlyq kómekke jalpy salmaǵy 38 tonnadan asatyn azyq-túlik, tósek-oryn jabdyqtary, dári-dármek jáne meditsinalyq buiymdar kiredi.
Júkter jaqyn arada áýe kóligimen jóneltiledi" - delingen habarlamada.
Qazaqstannyń qoldaýy Gaza sektorynda oryn alǵan gýmanitarlyq apatty jaǵdaiǵa bailanysty Palestinaǵa kómek kórsetýge baǵyttalǵan.
Aita keteiik, buǵan deiin Qazaqstan Palestina halqyna $1 mln kóleminde gýmanitarlyq kómek kórsetken bolatyn.
