Qazvac vaktsinasy Qazaqstannyń ǵylymi áleýetin kórsetedi. Diplomatic World atty eýropalyq basylym betinde sholýshy Alberto Tiýrkstra otandyq virýsologtardyń ázirlegen preparatyna qatysty óz pikirin aitty, dep habarlaidy QazAqparat.
Eýropalyq avtor eýropalyq qoǵamǵa 26 sáýirde Qazaqstan óziniń COVID-19-ǵa qarsy vaktsinasyn shyǵara bastaǵanyn habarlady.
«Bul kampaniianyń bastalýy QR Prezidenti Q.Toqaevtyń tapsyrǵan qazaqstandyq vaktsinany jasaý mindettemesine sáikes keledi», - dep jazady eýropalyq sarapshy.
Basylym ótken jyldyń mamyr aiynda Dúniejúzilik densaýlyq saqtaý uiymy (DDSU) Qazaqstannyń biologiialyq qaýipsizdik problemalary ǵylymi-zertteý institýtynda ázirlengen vaktsinany tirkegenin, al tamyz aiynda osy satyǵa jetken álemde 14-shi vaktsina bola otyryp, preparat klinikalyq synaqtarǵa jiberilgenin jazdy.
Qazirgi ýaqytta QazVac shilde aiynda aiaqtalýy tiis synaqtyń úshinshi satysynda tur. Alǵashqy eki kezeńniń qatysýshylarynda COVID-19-ǵa qarsy immýnitet damydy, eshqandai janama áserler joq.
QazVac-ty engizý Qazaqstannyń ǵylymi áleýetin nyǵaitady, osylaisha bul el COVID-19-ǵa qarsy óz vaktsinasyn ázirlegen AQSh, Qytai, Resei, Ulybritaniia, Kýba jáne Úndistan siiaqty elderdiń ekskliýzivti klýbyna qosylady dep esepteidi A.Tiýrkstra.
«Diplomatiialyq álem» (Diplomatic World) – álemniń diplomatiialyq astanasy – Briýsselde shyǵatyn halyqaralyq biznes-jýrnal.
Basylym frantsýz jáne aǵylshyn tilderinde 20 myń danadan astam taralymmen shyǵady, óziniń elektrondyq nusqasy bar.
Diplomatic world aýditoriiasy – Eýropa diplomattary men saiasatkerleri.
Jýrnaldy Eýropa men búkil álemniń elshilikteri men konsýldyqtarynda, úkimetteri men mádeni ortalyqtarynda oqidy.
