Búgin beinekonferentsiia formatynda OPEK+ kelisimine qatysýshy elderdiń ministrler otyrysy ótti, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Qazaqstannyń energetika ministri Nurlan Noǵaev óz sózinde atap ótkendei, búgingi tańda koronavirýstyń taralýyna qarsy kúreste oń dinamika baiqalyp otyr jáne munai men munai ónimderine suranys birtindep qalpyna kelýde.
Kezdesýdiń qorytyndysy boiynsha kelisimge qatysýshy elder munai óndirýdi qysqartýǵa qatysty qazirgi deńgeidi 2021 jylǵy sáýirge deiin uzartý týraly sheshim qabyldady. Bul rette, Qazaqstan men Resei úshin osy kezeńdegi óndiristi sáikesinshe táýligine 20 jáne 130 myń barrelge kezeń-kezeńmen ulǵaitýdy kózdeitin jeke sharttary kelisildi. Osylaisha, OPEK+ sheńberindegi Qazaqstan úshin mindettemeler sáýir aiynda táýligine 1,457 mln barreldi nemese bazalyq deńgeiden -15% quraidy (táýligine 1,709 mln barr - 2018 jylǵy qarasha deńgeii).
