Ónimderdiń qaýipsizdigin monitoringteý barysynda Qazaqstan aýmaǵyna jetkizilgen azyq-túlik ónimderiniń synamasynan gigienalyq normativter men tehnikalyq reglamentter talabynyń buzylǵany anyqtaldy. Bul jaiynda QR Densaýlyq saqtaý ministrligi Qoǵamdyq densaýlyqty qorǵaý komitetinen málim etti, dep habarlaidy "Ult aqparat".
Vedomstvo málimetinshe, Belarýstan jetkizilgen «Drýjba» qus fabrikasy» AAQ-nyń taýyq etinen (Qostanai oblysynyń saýda nysandarynda) salmonella jáne ishek qurty bakteriialary anyqtalǵan.
Al Reseidiń «Omskii bekon» AQ óndirgen «Izmailovskaia», «Originalnaia» shujyqtarynan, «Sibirskie kolbasy» AAQ-nyń «Molochnye» sosiskasynan «Starodvorskie kolbasy» JAQ-nyń «Vetchina stolichnaia Viazanka» et ónimderinen, «Voshodiashaia zvezda» AAQ-nyń «Osoboia» shujyǵynda (Soltústik Qazaqstan oblysynyń saýda nysandarynda) natrii nitratynyń salmaq úlesi artyq bolyp shyqty.
Sonymen qatar, Qostanai oblysynyń saýda nysandaryndaǵy reseilik «Nagaibakskii ptitsevodcheskii kompleks» kompaniiasy óndirgen sorpaǵa arnalǵan taýyq eti jiyntyǵynda da salmonella bakteriialary tabylyp, memlekettik tildegi tańbalanýy joq bolyp shyqqan.
Al Aqmola oblysynda Reseidiń «Magnitogorskii ptitsevodcheskii kompleks «Broilernoe proizvodstvo» AAQ óndirgen taýyq etinde, Jambyl oblysynda «Ptitsekombinat» AAQ-nyń taýyq etinde mikrobtyq tuqymdaný kórsetkishteriniń sai emestigi anyqtaldy.
Qazirgi ýaqytta atalǵan qaýipti ónimderdi saýda núktelerinen alyp tastaý jáne jetkizýshilerge qatysty ákimshilik sipattaǵy shara qoldaný jumystary júrgizilip jatyr.
