Foto: Getty Images
Búgin Frantsiia astasy Parij qalasynda ótip jatqan Olimpiada oiyndary máresine jetti. Nátijesinde Qazaqstan quramasy jalpy esepte 43-ornnan kórindi.
Naqtyraq aitsaq, Parij Olimpiadasynda Qazaqstan quramasy 1 altyn, 3 kúmis, 3 qola medalǵa qol jetkizdi. Osylaisha, tórtkil dúnie tórt jyldyq dodany Qazaqstan quramasy jeti medalmen aiaqtady.
Altyn júldeni Olimpiadanyń alǵashqy kúni el qorjynyna dziýdodan 60 keli salmaqta Eldos Smetov syilaǵan bolatyn.
Al kúmis júldeni sporttyq gimnastikadan Nariman Qurbanov, grek-rim kúresinen 77 keli salmaqta Demeý Jadyraev jáne bokstan 80 keli salmaqta el namysyn qorǵaǵan Nurbek Oraldai jeńip aldy.
Qola medaldardy nysana kózdeýden komandalyq jarysta Islam Satpaev pen Aleksandra Le (tapanshamen 10 metrden atý), dziýdodan 66 keli salmaqta Ǵusman Qyrǵyzbaev jáne áielder boksynan 51 keli salmaqta el namysyn qorǵaǵan Nazym Qyzaibai jeńip aldy.
Esterińizge sala ketsek, Tokio Olimpiadasynda Qazaqstan quramasy 8 qola medalmen shektelgen bolatyn. Al 2016 jyly Rio Olimpiadasynda 26 sport túrinen 104 sportshy qatysyp, qazaqstandyqtar barlyǵy 17 medal (3 altyn, 5 kúmis, 9 qola) jeńip aldy. Bul el sporty tarihynda kúmis jáne jalpy júldeler sany jóninen rekordtyq kórsetkishke qol jetkizdi.
Parijde sportshylarymyz jalpy jeti medalǵa qol jetkizdi.
