Búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine ólim jazasyn joiý máselesi boiynsha ózgerister men tolyqtyrý engizý týraly» QR Zańyn qabyldady, dep habarlaidy QazAqparat.
«Elimiz Táýelsizdik alǵannan beri ólim jazasyn qoldaný aiasyn kezeń-kezeńimen qysqartyp kele jatqanyn bilesizder. Memleket basshysy Ulttyq qoǵamdyq senim keńesiniń biylǵy qarashada ótken otyrysynda Qazaqstanda ólim jazasy qandaida bir eskertpesiz joiylýǵa tiis degen ustanymdy bildirdi. Osy zańdy qabyldai otyryp, Qazaqstan ólim jazasyna zań júzinde tyiym salynǵan elder tobyna qosylady», - dep atap ótti Senat spikeri Máýlen Áshimbaev.
Sondai-aq ol elimiz ólim jazasyn tolyǵymen joiýǵa baǵyttalǵan halyqaralyq qozǵalysty qoldaityndyǵyn is júzinde dáleldep otyrǵandyǵyn basa aitty.
«Qabyldanǵan zań elimizdiń demokratiialyq jolmen damýyna óz úlesin qosady dep senemiz», - dedi Senat Tóraǵasy.
