بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶلٸم جازاسىن جويۋ مەسەلەسٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» قر زاڭىن قابىلدادى, دەپ حابارلايدى قازاقپارات.
«ەلٸمٸز تەۋەلسٸزدٸك العاننان بەرٸ ٶلٸم جازاسىن قولدانۋ اياسىن كەزەڭ-كەزەڭٸمەن قىسقارتىپ كەلە جاتقانىن بٸلەسٸزدەر. مەملەكەت باسشىسى ۇلتتىق قوعامدىق سەنٸم كەڭەسٸنٸڭ بيىلعى قاراشادا ٶتكەن وتىرىسىندا قازاقستاندا ٶلٸم جازاسى قاندايدا بٸر ەسكەرتپەسٸز جويىلۋعا تيٸس دەگەن ۇستانىمدى بٸلدٸردٸ. وسى زاڭدى قابىلداي وتىرىپ, قازاقستان ٶلٸم جازاسىنا زاڭ جٷزٸندە تىيىم سالىنعان ەلدەر توبىنا قوسىلادى», - دەپ اتاپ ٶتتٸ سەنات سپيكەرٸ مەۋلەن ەشٸمباەۆ.
سونداي-اق ول ەلٸمٸز ٶلٸم جازاسىن تولىعىمەن جويۋعا باعىتتالعان حالىقارالىق قوزعالىستى قولدايتىندىعىن ٸس جٷزٸندە دەلەلدەپ وتىرعاندىعىن باسا ايتتى.
«قابىلدانعان زاڭ ەلٸمٸزدٸڭ دەموكراتييالىق جولمەن دامۋىنا ٶز ٷلەسٸن قوسادى دەپ سەنەمٸز», - دەدٸ سەنات تٶراعاسى.
