Almatydaǵy respýblikalyq fizika-matematika mektebinde mamandandyrylǵan bilim uiymdarynyń oqýshylaryna arnalǵan matematika, fizika jáne informatika pánderinen XVII halyqaralyq Jáýtikov olimpiadasy onlain formatta ótti, dep habarlaidy "Ult aqparat".
Bilim jáne ǵylym ministrliginiń málimetinshe, olimpiadaǵa Aýstraliia, Ázerbaijan, Armeniia, Belarýs, Bolgariia, Grýziia, Daniia, Úndistan, Indoneziia, Iran, Qyrǵyzstan, Mońǵoliia, Resei, Rýmyniia, Serbiia, Tájikstan, Túrkimenstan, Túrkiia, Ózbekstan jáne Ýkraina elderinen 146 komanda quramynda 1 myńnan astam oqýshy qatysty.
Báseke qorytyndysy boiynsha qazaqstandyq oqýshylar 90 medal jeńip aldy: onyń 13-i - altyn, 37-si - kúmis jáne 40 qola medal.
Olimpiada nátijesi boiynsha 500 qatysýshy júldeger atandy.
Bilim jáne ǵylym ministrligi olimpiada júldegerlerin, olardyń ata-anasy men muǵalimderdi jeńisimen quttyqtady.
