Búgin beinekonferentsiia formatynda OPEK+ kelisimine qatysýshy elderdiń ministrlik otyrysy ótti, dep habarlaidy "Ult aqparat" Energetika ministrliginiń baspasóz qyzmetine silteme jasap.
Otyrysqa Qazaqstan atynan Energetika ministri Maǵzum Myrzaǵaliev qatysty.
Myrzaǵaliev Qazaqstannyń OPEK+ kelisimine beriktigin jáne óz mindettemelerin oryndaýǵa daiyndyǵyn rastady.
Sondai-aq Energetika ministri Qazaqstan aldaǵy ailarda óndiristi odan ári birtindep arttyratynyn atap ótti.
«Otyrys qorytyndysy boiynsha OPEK+ elderiniń aǵymdaǵy óndirý deńgeiin kelisimge qatysýshylar shekteýlerdi alyp tastaǵanǵa deiin ai saiyn táýligine 400 myń barrelge ujymdyq arttyrý týraly sheshim qabyldandy.
Osylaisha, OPEK+ sheńberinde Qazaqstan úshin kvota qazanda táýligine 1,524 mln barreldi quraidy jáne ai saiyn óndirý ortasha eseppen táýligine 16 myń barrelge artatyn bolady», - delingen vedomstvo habarlamasynda.
Málim etilgendei, Qazaqstan úshin kvota qarashada táýligine 1,540 mln barrel bolyp belgilengen.
