Qazaqstan metallýrgiia ónimderin ótizetin balama naryqtar izdeidi. Bul týraly búgin Úkimet otyrysynda QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy "Ult aqparat".
«Metallýrgiia ónerkásibinde neǵurlym joǵary bólinisti taýarlar óndirisin uiymdastyrýǵa baǵyttalǵan mynadai sharalar qabyldanatyn bolady: balamaly ótkizý naryqtaryn izdeý; qosylǵan quny joǵary ónim óndirisin damytý; munai kompaniialary otandyq óndirýshilerden qubyrlardy satyp alý; strategiialyq investorlardy tartý», - dedi birinshi vitse-ministr.
Onyń atap ótýinshe, himiia ónerkásibinde otandyq kásiporyndardy qoldaý da birneshe baǵyt arqyly júrgiziledi.
«Aldymen aýyl sharýashylyǵy taýarlaryn óndirýshilerge tek otandyq mineraldy tyńaitqysh qunyn sýbsidiialaý, lak, boia, qurylys materialdary jáne ónerkásiptiń basqa da salalaryna shikizat óndirýge daiyn kásiporyndar úshin memlekettik qoldaý sharalary, otandyq jarylǵysh zattardy shyǵarýshy kásiporyndar ónerkásiptik himikattardy óndirýshilerdiń ulttyq kompaniialary men júie quraýshy kásiporyndar jáne jer qoinaýyn paidalanýshylar arasynda uzaqmerzimdi kelisimsharttar jasaý múmkindigi pysyqtalady», - dedi Qaiyrbek Óskenbaev.
