Qazaqstan men Japoniia arasyndaǵy turaqty áýe qatynasyn uiymdastyrý úshin qajetti quqyqtyq negizdemelerdi QR IIDM Azamattyq aviatsiia komiteti 2016 jyly bastaǵan. Bul týraly vedomstonyń Feisbýktegi resmi paraqshasynda habarlandy.
Qazirgi ýaqytta áýe kompaniialarmen birigip, biyl Japoniiaǵa tikelei reisti ashý boiynsha jumystar júrgizilýde. Bul Qazaqstan men Japoniianyń áýe kompaniialaryna ár taraptan esh shekteýsiz aptasyna 14 ret turaqty reisterdi oryndaýǵa quqyq beredi.
Qazaqstandyq áýe tasymaldaýshylarǵa arnalǵan baǵyttar - Tokio, Osaka, Nagoia qalalary jáne japondyq áýe kompaniialary úshin - Astana, Almaty jáne Qaraǵandy qalalary belgilengen.
Aita ketý kerek, buryn elder arasynda Qazaqstannan Tokioǵa ushatyn eshqandai quqyqtyq negiz bolǵan joq.
