QR Premer-Ministri Asqar Mamin Ulybritaniia Syrtqy ister ministrliginiń Eýropa jáne Amerika isteri jónindegi memlekettik ministri Alan Dankanmen kezdesý ótkizdi, dep habarlaidy "Ult aqparat".
Kezdesý barysynda ekijaqty saýda-ekonomikalyq jáne investitsiialyq yntymaqtastyqty odan ári damytýdyń ózekti máseleleri men perspektivalary talqylandy.
A. Dankan atap ótkendei, Qazaqstanda biznesti júrgizý úshin barlyq múmkindikter bar jáne sheteldik investitsiialardy tartý úshin barlyq qajetti jaǵdailar jasalǵan. Ulybritaniianyń Eýropalyq Odaqtan shyǵýy aiasynda A. Dankan Qazaqstan men Ulybritaniia arasyndaǵy saýda-ekonomikalyq qarym-qatynastarda negizgi erejelerdiń sabaqtastyǵy qamtamasyz etiletinine sendirdi.
«Qazaqstan men Ulybritaniianyń ekijaqty yntymaqtastyqty arttyrý úshin zor áleýeti bar, ony tiimdi paidalaný qajet», — dedi QR Premer-Ministri A. Mamin.
QR-da britandyqtardyń qatysýymen 850-den asa zańdy tulǵa, filialdar men ókildikter tirkelgen, olardyń ishinde Royal Dutch Shell, Ernst&Young jáne basqalary bar. Biznes qurylymdardyń ózara is-qimylyn odan ári ulǵaitý úshin biyl qazan aiynda Londonda kezekti qazaqstandyq-britandyq investitsiialyq forým ótedi, bul shara iri britandyq biznestiń qyzyǵýshylyq tanytqan jańa ókilderin tartýǵa múmkindik beredi.
