Bratislavada Qazaqstannyń Ekologiia, geologiia jáne tabiǵi resýrstar ministrligi men Slovakiianyń Qorshaǵan ortany qorǵaý ministrligi arasyndaǵy «Sý resýrstary salasyndaǵy ózara túsinistik boiynsha yntymaqtastyq týraly» memorandýmǵa qol qoiý rásimi ótti.
Bul týraly "Ult aqparat" QR Syrtqy ister ministrliginiń resmi saityna silteme jasap habarlaidy.
Baspasóz qyzmetiniń málimetterine qaraǵanda, qazaqstandyq taraptan qujatqa (aldyn-ala) Ekologiia, geologiia jáne tabiǵi resýrstar ministri Maǵzum Myrzaǵaliev, slovak tarapynan – Qorshaǵan ortany qorǵaý ministri Ian Býdai qol qoidy.
Qorshaǵan ortany qorǵaý ministrliginde ótken osy qol qoiý rásimine Qazaqstannyń Bratislavadaǵy Elshisi Roman Vasilenko qatysty.
Atalǵan kelisim Qazaqstan men Slovakiia arasyndaǵy sýdy zertteý salasyndaǵy ǵylymi-tehnikalyq yntymaqtastyqty nyǵaitýǵa, transshekaralyq sýlarǵa birlesken monitoring júrgizýge, ózara is-qimyl jáne sý resýrstaryna qatysty máseleler boiynsha vedomstvoaralyq, ekijaqty jáne kópjaqty yntymaqtastyq boiynsha tájiribe almasýǵa múmkindik beredi.
Memorandým sheńberindegi perspektivalyq yntymaqtastyq is-sharalar birlesken jobalar, aqparat almasý jáne zertteý jumystary túrinde júzege asyrylatyn bolady.
Buryn Slovakiia aýmaǵynda, al búgingi tańda Nur-Sultanda ornalasqan Halyqaralyq sýdy baǵalaý ortalyǵynyń (HSBO) qyzmetin qoldaýdaǵy Slovakiianyń tabysty tájiribesi aiasynda, sondai-aq Qazaqstannyń transshekaralyq aǵyn sýlar men halyqaralyq kólderdi qorǵaý jáne paidalaný týraly Konventsiiasynyń biýrosyna tóraǵalyq etýine bailanysty (Sý konventsiiasy), atalǵan memorandým eki tarap úshin de erekshe mańyzdy. Aldyńǵy qatarly eýropalyq tájiribeni, sý resýrstaryn basqarý men qorǵaýdaǵy ǵylymi-tehnikalyq innovatsiialardy, jerústi sýlarynyń sany men sapasyn, onyń ishinde klimattyń ózgerýi jaǵdaiynda, sondai-aq, sý resýrstarymen bailanysty basqa da salalardy baqylaý boiynsha ózara is-qimyldy qamtamasyz etý qyzyǵýshylyq týǵyzady.
Memorandýmǵa qol qoiylǵannan keiin, slovak ministrimen kezdesýi barysynda Elshi: «elderimiz arasyndaǵy ekologiia salasyndaǵy yntymaqtastyq áleýeti óte aýqymdy jáne bul tek sý resýrstaryn basqarý salasynda ǵana emes», − dep atap ótti.
R. Vasilenko Qazaqstandaǵy qorshaǵan ortany qorǵaýdyń jai-kúii, burynǵy Semei iadrolyq poligonyndaǵy iadrolyq synaqtardyń murasyn eńserý jáne Aral teńiziniń qurǵaýy, Prezident Qasym-Jomart Toqaevtyń jáne el úkimetiniń qorshaǵan ortany qorǵaýdy kúsheitý jáne energiia únemdeitin «jaýapty ekonomikany» damytý salasyndaǵy kúsh-jigeri týraly habardar etti.
Jańa Ekologiialyq kodekstiń ázirlengen jobasy men «jasyl» ekonomikaǵa kóshý tujyrymdamasyn iske asyrýǵa erekshe nazar aýdaryldy. Sonymen qatar, Ortalyq Aziiadaǵy sý resýrstaryn basqarý salasyndaǵy tendentsiialar jáne bes memleket arasyndaǵy ózara is-qimyldardyń jaǵdaiy týraly aityldy. Osyǵan bailanysty, Slovakiianyń kórshiles eldermen, eń aldymen Dýnai ózenine qatysty transshekaralyq yntymaqtastyq salasyndaǵy tájiribesi jáne joǵaryda aitylǵan sý konventsiiasyn júzege asyrý Qazaqstan úshin óte mańyzdy.
Óz kezeginde, Ia. Býdai suhbat barysynda estigen aqparatty jyly qabyldap, qol qoiylǵan memorandýmdy quptai otyryp, óz vedomstvosynyń qazaqstandyq áriptestermen ózara tiimdi jáne ózara qyzyqty yntymaqtastyqty odan ári jan-jaqty damytýǵa degen qyzyǵýshylyǵyn rastady.
Seriktestik pen ózara túsinistik kúide ótken kezdesýdiń qorytyndysy boiynsha suhbattasýshylar jaqyn aradaǵy yntymaqtastyqty nyǵaitýdyń naqty qadamdaryn belgiledi.
