QR Syrtqy ister ministri Beibit Atamqulov pen RF Syrtqy ister ministri Sergei Lavrov telefonmen sóilesti, dep habarlaidy "Ult aqparat".
QR SIM-niń Telegram-daǵy aqparatyna qaraǵanda, eki eldiń syrtqy saiasat vedomstvolarynyń basshylary osy jyldyń 7 qarashasynda Omby qalasynda ótetin XVI Óńiraralyq yntymaqtastyq forýmyna daiyndyq máselelerin pysyqtap, qazannyń 10-11 kúnderi Ashhabadta ótetin TMD Syrtqy ister ministrleri keńesi men Memleket basshylary keńesindegi ustanymdaryn naqtylaǵan. Qazaqstandyq-reseilik qarym-qatynastyń ózekti máselerine qatysty pikir almasqan.
«B.Atamqulov S.Lavrovty Nur-Sultanǵa saparmen kelýge shaqyrdy. Shaqyrý qabyl alyndy. Kúni qosymsha kelisiletin bolady», - dep atap ótedi vedomstvodan.
