QR Densaýlyq saqtaý ministrligi men Reseidiń tikelei investitsiialar qory (RFTIQ) álemde alǵashqy tirkelgen koronavirýsqa qarsy «Spýtnik V» vaktsinasyn tirkep, sondai-aq ony óndirý jáne taratý rásimin júrgizý úshin yntymaqtastyq týraly kelisimge qol qoidy.
Kelisimge búgin Densaýlyq saqtaý ministri Aleksei Tsoi men RFTIQ Bas direktory Kirill Dmitriev qol qoidy, dep habarlaidy "Ult aqparat" QR Densaýlyq saqtaý ministrliginiń resmi saiyna silteme jasap.
Qazaqstan Respýblikasynyń retteýshi organdary qajetti rásimderdi aiaqtaǵannan keiin Resei Federatsiiasy tehnologiia transferin júrgizedi jáne el aýmaǵynda «Spýtnik V» vaktsinasynyń keminde 2 mln dozasyn óndirýge arnalǵan sýbstantsiiany jetkizedi.
«Prezident Qasym-Jomart Toqaev Resei Federatsiiasynyń Prezidenti Vladimir Pýtinmen Qazaqstan Respýblikasynyń aýmaǵynda «Spýtnik V» vaktsinasyn shyǵaratyn zaýyt salý týraly kelisti. Bul Kelisim ekijaqty qarym-qatynasqa serpin beredi, sondai-aq koronavirýs infektsiiasy pandemiiasymen tezirek kúresýge múmkindik týady dep senemin», - dedi A.Tsoi.
«RFTIQ men Qazaqstan Respýblikasy arasyndaǵy kelisimniń arqasynda halyqqa adamnyń adenovirýstyq vektorlarynyń tekserilgen jáne jaqsy zerttelgen platformasynda qurylǵan tiimdiligi 91% asatyn koronavirýsqa qarsy vaktsina qoljetimdi bolady. Qazaqstan aýmaǵynda «Spýtnik V» vaktsinasyn shyǵarý logistikalyq shyǵyndardy azaitýǵa jáne qysqa merzimde vaktsinany meditsinalyq mekemelerge jetkizýge múmkindik beredi. Sonymen qatar, eki el arasynda tehnologiialyq, ǵylymi jáne meditsinalyq tájiribe almasý keńeiedi», - dedi RFTIQ Bas direktory K. Dmitriev.
Qazirgi ýaqytta Belarýs Respýblikasynda, BAÁ, Venesýelada jáne birqatar basqa elde «Spýtnik V» vaktsinasynyń III klinikalyq zertteý fazasy, sondai-aq Úndistanda II-III faza maquldandy jáne júrgizilýde. 50-den astam elden 1,2 mlrd astam doza satyp alý týraly ótinim tústi. Sheteldik naryqqa arnalǵan vaktsinany RFTIQ halyqaralyq seriktesteri Úndistan, Braziliia, Qytai, Ońtústik Koreia jáne taǵy tórt el shyǵaratyn bolady.
Esterińizge sala keteiik, 24 qarashada N. F. Gamalei atyndaǵy EMUǴO men RFTIQ randomizatsiialanǵan platsebo-baqylanatyn klinikalyq tirkeýden keiingi koronavirýsqa qarsy «Spýtnik V» vaktsinasy 40 000 eriktiniń qatysýymen zertteýdiń III kezeńiniń ekinshi aralyq taldaýynyń oń nátijelerin jariialady. Zertteýdiń aralyq nátijeleri taǵy bir ret adamnyń adenovirýstyq vektorlarynyń jaqsy zerttelgen platformasynda qurylǵan álemdegi alǵashqy tirkelgen koronavirýsqa qarsy vaktsina «Spýtnik V» vaktsinasynyń joǵary tiimdiligin kórsetti. Tiimdilikti baǵalaý vaktsinanyń birinshi inektsiiasyn (ekinshi inektsiiany alǵannan keiingi 7-shi kún) nemese klinikalyq zertteý hattamasyna sáikes ekinshi baqylaý núktesine jetkende platsebo alǵannan keiingi 28-shi kúni 18 794 erikti arasynda júzege asyryldy. Taldaý qorytyndysy boiynsha «Spýtnik V» tiimdiligi 91,4% qurady.
