QR Premer-Ministri Asqar Mamin Resei Federatsiiasynyń Qazan qalasyna jumys sapary aiasynda RF Úkimetiniń Tóraǵasy Mihail Mishýstinmen kezdesý ótkizdi, dep habarlaidy primeminister.kz.
Taraptar saýda-ekonomika, kólik-logistika, energetika, geologiia salalaryndaǵy, sondai-aq ónerkásiptik kooperatsiia, AÓK, transshekaralyq ózenderdiń sý resýrstaryn utymdy paidalaný jáne qorǵaý salalaryndaǵy ekijaqty yntymaqtastyqty odan ári damytý máselelerin talqylady. Eýraziialyq ekonomikalyq odaq formatyndaǵy ózara is-qimyldyń ózekti máseleleri qaraldy.
COVID-19 taralýyna qarsy kúres jáne eki eldiń ekonomikalary úshin pandemiianyń saldaryn joiý jónindegi birlesken sharalarǵa erekshe nazar aýdaryldy.
Kelissózder qorytyndysy boiynsha eki eldiń Úkimet basshylarynyń qatysýymen kelesi birqatar qujatqa qol qoiyldy:
- QR men RF úkimetteri arasyndaǵy 2021-2025 jyldarǵa arnalǵan ekonomikalyq yntymaqtastyqtyń keshendi baǵdarlamasy;
- «Qazgeologiia» AQ men «Rosgeologiia» AQ arasyndaǵy QR, RF jáne shet memleketterdiń aýmaqtaryndaǵy paidaly qazbalar ken oryndaryn geologiialyq zertteý salasyndaǵy yntymaqtastyq týraly kelisim;
- QR aýmaǵynda kómirsýtegi ken oryndaryn igerý jáne geologiialyq barlaý boiynsha birlesken qyzmet salasyndaǵy jobalardy iske asyrý nieti týraly kelisim;
- «QR-da býtadien jáne týyndy ónimder óndirisi» jobasyn iske asyrýdyń jol kartasy;
- «Býtadien» jobasyn basqarý máseleleri jónindegi shekti shart;
- «KIDF Management company» Ltd, Resei tikelei investitsiialar qory (RTIQ) jáne «Mubadala Investment Company» arasyndaǵy ózara túsinistik týraly memorandým;
- qatty paidaly qazbalar boiynsha iýniorlyq kompaniialardyń Eýraziialyq birjasyn qurý týraly memorandým.
