QR Indýstriia jáne infraqurylymdyq damý miinistrligi delegatsiiasynyń Ózbekstanǵa sapary aiasynda eki el arasyndaǵy seriktestikti nyǵaitý baǵyttary talqylandy, dep habarlaidy "Ult aqparat".
QR Indýstriia jáne infraqurylymdyq damý ministri Berik Kamaliev pen Ózbekstan Kólik ministriniń mindetin atqarýshy Ilhom Mahkamov kelissóz júrgizip, infraqurylymdyq jobalardy birlesip júzege asyrý týraly pikirlerimen bólisti. Onyń ishinde, júrdek poiyzdarǵa arnalǵan Túrkistan – Shymkent – Tashkent baǵytyndaǵy temirjol qurylysyn júzege asyrý men jańa Maqtaaral – Darbaza temirjol jelisin salý máseleleri talqylandy.
Sondai-aq eki el arasyndaǵy burynnan bar áýe reisterin kóbeitip, jańa baǵyttar qosý máselesi qarastyryldy. Onyń ishinde Qazaqstannan Samarqan men Úrgenishke jáne jáne odan qaitatyn turaqty reisterdi jasaý jospary bar.
Sonymen qatar, taraptar epidemiologiialyq jaǵdaidy eskere otyryp, temirjol marshrýttaryn qaita jandandyrý máselesin talqylady.
