Qazaqstan men Ózbekstan «Ortalyq Aziia» saýda ortalyǵyn ashpaq. Bul týraly QR Saýda jáne integratsiia vitse-ministri Qairat Tórebaev málim etti, dep habarlaidy QazAqparat tilshisi.
OKQ-da ótken baspasóz máslihatynda vitse-ministr atap ótkendei, Ortalyq Aziiada Qazaqstannyń negizgi strategiialyq seriktesi – Ózbekstan. Qazaqstan qazirgi tańda Ózbekstanǵa quny 210 mln dollarlyq 70 taýar túrin shyǵara alady.
«Ózbekstanmen yntymaqtastyq aiasynda «Ortalyq Aziia» halyqaralyq ekonomikalyq yntymaqtastyq saýda ortalyǵy jobasyn júzege asyrý josparlanyp otyr. Merzim boiynsha ázirge kelissózder júrgizilip jatyr. Biz birneshe ret kelissóz júrgizip, osy halyqaralyq ortalyq ornalasady-aý degen 5 oryndy tańdap aldyq. Halyqaralyq ortalyq Qazaqstan men Ózbekstan shekarasynda usaq kóterme jáne bólshek saýdanyń jańa formatyn engizýdi, halyqaralyq týrizmdi damytýdy, logistikalyq qyzmetterdi jetildirýdi jáne transshekaralyq iskerlik yntymaqtastyq ornatýdy kózdeidi», - dedi vitse-ministr.
Qairat Tórebaevtyń aitýyna qaraǵanda, joba aiasynda 10 myń jumys oryny ashylady. Al saýda ortalyǵy tolyqqandy paidaǵa jaraǵan ýaqytta jumyspen qamtylǵandardyń sany 40 myń orynǵa deiin ósýi múmkin.
Eske sala ketsek, buǵan deiin Qairat Tórebaev Eýraziialyq ekonomikalyq odaq aiasynda Resei naryǵyna engen otandyq kompaniialar betpe-bet kelgen problemalaryn aitqysy kele bermeitinin málim etken edi.
