Qazaqstan men Ózbekstannyń aýmaǵynda farmatsevtikalyq ónerkásip ashý máselesi qaralyp jatyr. Bul týraly Ózbekstan Respýblikasynyń Qazaqstandaǵy Tótenshe jáne Ókiletti elshisi Saidikram Niiazhodjaev málim etti, dep habarlaidy QazAqparat.
«Koronavirýspen kúreste Ózbekstan men Qazaqstannyń ózara bailanysyna erekshe toqtalyp ótkim keledi. Eki eldiń Densaýlyq saqtaý ministrligi indetti jeńý jolynda ózara tájiribe almasty. QR Densaýlyq saqtaý ministri Ózbekstanda bolyp, eldegi epidemiologiialyq jaǵdaidy jaqsartýǵa qatysty ekijaqty keńes ótti. Odan bólek, pandemiia órship turǵan sátte, baýyrlas qazaq eli ózbek baýyryna gýmanitarlyq kómek kórsetti. Sáikesinshe bizdiń el de COVID-19-ben kúreste Qazaqstanǵa qol ushyn sozdy. Búginde eki el arasynda atalǵan baǵytta ózara tájiribe almasý jalǵasyp keledi. Sonyń biri qazirgi tańda Ózbekstan men Qazaqstan aýmaǵynda farmatsevtikalyq kásiporyn ashý máselesi qaralyp jatyr», - dedi Saidikram Niiazhodjaev elordadaǵy Ózbekstan elshiliginde ótken baspasóz máslihatynda.
Elshiniń aitýynsha, atalǵan másele búginde ekijaqty qaralyp jatyr.
