2017 jyldyń 7 maýsymynda Astana qalasynda QR Energetika ministri Qanat Bozymbaev Qytai ulttyq munai-gaz korporatsiiasy (QUMK, CNPC) direktorlar keńesiniń tóraǵasy Van I Linmen kezdesti, dep habarlaidy ministrliktiń baspasóz qyzmeti.
Kezdesý barysynda taraptar munai-gaz salasyndaǵy jemisti yntymaqtastyqtaǵy mol tájiribe jóninde atap ótti. 20 jyl boiyna Qytai men Qazaqstan tarapy mineraldy resýrstardy barlaý men óndirýde, munai qubyrlary men gaz qubyrlaryn salýda, sondai-aq munai óńdeý zaýyttaryn jańǵyrtý, rekonstrýktsiialaý men basqarýda tehnikalyq múmkindikter men mol tájiribe jinaqtady.
Taraptar úlesteri bar ken oryndarynda ózara tiimdi qatynastardy odan ári damytý úshin óndiris tiimdiligin arttyrý maqsatynda kórsetilgen kelisimsharttar sheńberindegi yntymaqtastyqty jalǵastyrýǵa niet bildirdi. Bozymbaev jáne Ilin jer qoinaýyn paidalanýǵa arnalǵan kelisimsharttardyń merzimin uzartý týraly 3 jyl qoldanysta bolatyn memorandýmǵa qol qoidy.
Memorandýmǵa sáikes taraptar Jańajol gaz óńdeý zaýytyndaǵy gaz óńdeý tarifterin kelisý «Aqtóbemunaigaz-SNPS» AQ men «Qazmunaigaz» UK AQ arasyndaǵy jekelegen kelissózder sheńberinde sheshiletindigi jóninde kelisti.
Taraptar Qazaqstan tarapyna gaz-himiia jobasyn iske asyrý perspektivti bolyp tabylatyndyǵyn rastady jáne QUMK osyndai jobany iske asyrý jóninde usynys beretindigi jóninde kelisti.
Memorandýmǵa sáikes Qazaqstan Respýblikasy Eńbek Kodeksiniń talaptaryn jáne jer qoinaýyn paidalanýshylar men merdiger jáne qosalqy merdiger kompaniialar jumyskerleri siiaqty qazaqstandyq personal úshin jumyldyrylǵan sheteldik personalǵa qatysty teń eńbekaqy sharttary saqtalady.
Memorandýmda óńirlerdi damytýǵa áleýmettik jáne ózge aýdarymdar deńgeii, sondai-aq jergilikti turǵyndar úshin qosymsha jumys oryndaryn jasaý boiynsha mindettemelerdi kóbeitý qarastyrylǵan.
