Qytaidan júk tasymaldaýmen ainalysatyn azamattar baqylaý-ótkizý pýnktine elektrondy kezek júiesinde tirkelmei kirý múmkindigi úshin shekaralas aimaqtaǵy jaǵdaidy ýshyqtyrýǵa tyrysýda. Bul respýblikalyq mańyzy bar avtomobil jolynda kóliktik kollaps jasaý arqyly kórinis tapty. Bul týraly QR QM Memlekettik kirister komitetiniń baspasóz qyzmeti habarlady.
MKK mundai azamattardy shekaradan ótkizý, onyń ishinde elektrondy kezek júiesi sheńberinde taýarlardy ótkizýdiń belgilengen tártibin saqtaýǵa shaqyrady.
Eske sala keteiik, baqylaý-ótkizý pýnktine kelýdi retteý úshin protsestiń ashyqtyǵyn jáne shyǵyndardyń tómendeýin qamtamasyz etetin elektrondy kezek júiesi engizilgen bolatyn. Endi kezekti aldyn ala GoCargo.kz veb-saitynda nemese mobildi qosymsha arqyly brondaýǵa bolady. Júiede «keri bailanys» siltemesi bar, tasymaldaýshylardy SMS habarlamalary arqyly habardar etedi.
Júiede tirkelgen kólik quraldarynyń barlyq tizimin, sondai-aq aǵymdaǵy kúni shekaradan ótýdi kútken kólik quraldary (ATS) týraly málimetter kórsetiledi.
Elektrondyq kezek shtattyq rejimde jumys isteýde. Jalpy, aǵymdaǵy jyldyń 23 qazanynan bastap, osy ýaqytqa deiin elektrondy kezek júiesi arqyly baqylaý beketinen 1069 AKQ ótken, táýligine orta eseppen 23 AKQ.
Buryn habarlanǵandai, pandemiia bastalǵannan beri Qytai Qazaqstannan kólikterdi kirgizýge shekteýler engizdi.
Kúndelikti qazaqstandyq taraptan 20-ǵa jýyq AKQ qabyldandy. Keptelis kúsheie túsip, «Nur joly» baqylaý-ótkizý beketindegi kezek 40 shaqyrymnan asyp jyǵyldy.
Keptelis bastalǵannan beri birqatar shuǵyl sharalar qabyldandy. Kelissózder Qytaidyń ortalyq memlekettik organdary deńgeiinde de, Qytaidyń ShUAA ákimshiligi deńgeiinde de ótkizildi.
Respýblikada engizilgen tótenshe jaǵdaiǵa bailanysty jabylǵan Qytaimen ótkizý pýnktteri ashyldy.
Qytai tarapynyń epidemiologiialyq qaýipsizdikti qamtamasyz etý týraly qorqynyshyn eskere otyryp, júkterdi Qazaqstandyq kólik-logistikalyq ortalyqqa ishki kólikke ári qarai qaita tieý jáne olardyń baratyn jerine qarai jetkizý arqyly kontaktisiz mehanizmdi engizý týraly QR Úkimeti deńgeiinde tiisti sheshim qabyldandy.
Bul sharalar, sonyń ishinde júkterdi kontaktisiz tasymaldaý mehanizmin engizý, Qytai qabyldaǵan kólikterdiń sanyn kóbeitýge múmkindik berdi.
Sonymen birge, aǵymdaǵy jyldyń 10 qarashasynan bastap Qytai qazaqstandyq taraptan kólikterdi qabyldaýdy shektedi.
Qabyldanǵan AKQ sanynyń tómendeý sebepteri, sondai-aq Qytai tarapynan eksporttyq taýarlardyń qozǵalysyna tyiym salý týraly resmi aqparat bolǵan joq.
Qazaqstan Respýblikasynyń memlekettik organdary, sonyń ishinde Qazaqstannyń Qytaidaǵy Elshiligi qytailyq tarappen taýarlar men kólik quraldarynyń ótkizý pýnktterinen ótýin arttyrý boiynsha kelissózderdi jalǵastyrýda.
