.jpg)
Foto: Aqorda
Qazaqstan Prezidenti Qasym-Jomart Toqaev pen Italiia Ministrler Keńesiniń tóraǵasy Djordja Meloni ekijaqty bailanystardy nyǵaitý maqsatynda Strategiialyq seriktestikti keńeitý jóninde Birlesken málimdeme qabyldap, yntymaqtastyqty tereńdetýge baǵyttalǵan mańyzdy qujattarǵa qol qoidy, dep habarlaidy Ult.kz.
Resmi delegatsiia músheleri mynadai qujattarmen almasty:
1. Qazaqstan Respýblikasy Úkimeti men Italiia Respýblikasy Úkimeti arasyndaǵy tulǵalardyń readmissiiasy týraly kelisim;
2. Qazaqstan Respýblikasy Ónerkásip jáne qurylys ministrligi men Italiia Kásiporyndar jáne «Italiiada jasalǵan» ministrligi, Qorshaǵan orta jáne energetikalyq qaýipsizdik ministrligi arasynda asa mańyzdy qazba bailyqtary men shikizat materialdary salasyndaǵy yntymaqtastyq týraly birlesken málimdeme;
3. «Samuryq-Qazyna» AQ men Maire Tecnimont arasyndaǵy yntymaqtastyq týraly memorandým;
4. «Samuryq-Qazyna» AQ men Ansaldo arasyndaǵy yntymaqtastyq týraly kelisim;
5. Qazaqstan Respýblikasy Sý resýrstary jáne irrigatsiia ministrligi men OICE arasynda sý resýrstaryn basqarý salasynda bilim jáne ozyq tájiribe almasý arqyly sýǵa qatysty syn-qaterlerge bailanysty praktikalyq sheshimderdi ilgeriletý jónindegi yntymaqtastyq baǵdarlamasyn júzege asyrý týraly memorandým;
6. Qazaqstan Damý banki, Cassa Depositi e Prestiti S.p.A. jáne SACE SpA arasyndaǵy birlesken deklaratsiia;
7. «Samuryq-Energo» AQ jáne SACE SpA arasyndaǵy ózara túsinistik týraly memorandým;
8. «Kazakh Invest» UK» AQ men Italian Trade Agency arasyndaǵy yntymaqtastyq týraly memorandým.
