Ulttyq ekonomika ministri Áset Erǵaliev pen EQDB-nyń Qazaqstan boiynsha basshysy Agris Preimanis Qazaqstan Respýblikasynyń Úkimeti men Eýropalyq Qaita Qurý jáne damý banki arasyndaǵy eldiń ornyqty damýy men ósýine járdemdesýge baǵyttalǵan yntymaqtastyqty keńeitý boiynsha áriptestik týraly negizdemelik kelisimge qol qoidy, dep habarlaidy QR Ulttyq ekonomika ministrliginiń baspasóz qyzmeti.
Qujatqa QR Premer-Ministri Asqar Maminniń Eýropalyq Qaita Qurý jáne damý bankiniń prezidenti Odil Reno-Bassomen onlain-kezdesýi barysynda qol qoiyldy.
QR Ulttyq ekonomika ministri Áset Erǵaliev Qazaqstanda EQDB qatysýymen birqatar tabysty jobalar iske asyrylǵanyn, olar bizdiń ekonomikamyzdyń ártaraptandyrylǵan, turaqty jáne inkliýzivtik ósý modelin damytýǵa yqpal etkenin atap ótti.
«Biz EQDB-men strategiialyq yntymaqtastyqty joǵary baǵalaitynymyzdy taǵy da atap ótkim keledi. Qol qoiylǵan kelisim bizdiń birlesken jumysymyzǵa jańa serpin beredi», - dedi UEM basshysy.
Qujat jeke sektordy qoldaý, QR ekonomikasyna tikelei sheteldik investitsiialardy tartý, zamanaýi energiialyq tiimdi jáne resýrs únemdeitin tehnologiialardy engizý esebinen jasyl ekonomikany damytý, venchýrlik qarjylandyrýdy damytý esebinen innovatsiialar men tsifrlandyrýǵa járdemdesý, MJÁ quqyqtyq jáne institýtsionaldyq bazasyn nyǵaitý, kólik jáne turǵyn úi-kommýnaldyq infraqurylymda qarjylyq jáne ekologiialyq turaqtylyqqa qol jetkizý máselelerin jáne ózara is-qimyldyń basqa da aspektilerin qamtidy.
Qazaqstan 1992 jylǵy 27 shildeden bastap EQDB múshesi bolyp tabylady. EQQDB jarǵylyq kapitalyndaǵy QR úlesi 69 mln.eýrony quraidy (0,23%). EQDB Qazaqstandaǵy qyzmeti kezeńinde jalpy somasy 8,132 mlrd. eýrodan asatyn 280 joba qarjylandyryldy, onyń 66%-i jeke sektorda.
