Foto: Aqorda
Memleket basshysy Qasym-Jomart Toqaev pen Abý Dabidiń Taq murageri sheih Haled ben Muhammed ben Zaid Ál Nahaiannyń kelissózderi aiaqtalǵannan keiin ekijaqty qujattar almasý rásimi ótti, dep habarlaidy Ult.kz.
Eki el basshylary myna salalar boiynsha yntymaqtasýǵa ýaǵdalasty:
1. Qazaqstan Respýblikasy Kólik ministrligi men Birikken Arab Ámirlikteri Energetika jáne infraqurylym ministrligi arasynda avtokólik salasyndaǵy yntymaqtastyq týraly memorandým;
2. Qazaqstan Respýblikasy Ádilet ministrligi men Birikken Arab Ámirlikteri Ádilet ministrligi arasyndaǵy yntymaqtastyq týraly memorandým;
3. «Samuryq-Qazyna» ulttyq ál-aýqat qory» AQ men Masdar kompaniiasy arasynda Qazaqstan Respýblikasynda 2 myń MVt-qa deiin qýat saqtaý júiesi jáne 500 MVt-qa deiin táýliktik energiiamen qamtý jobalaryn ázirleý boiynsha yntymaqtastyq týraly kelisim;
4. «Samuryq-Qazyna» ulttyq ál-aýqat qory» AQ men AIQ arasynda Qazaqstan Respýblikasynyń munai-gaz salasyn tsifrlyq transformatsiialaý boiynsha strategiialyq yntymaqtastyq týraly kelisim;
5. «Samuryq-Qazyna» ulttyq ál-aýqat qory» AQ men Abu Dhabi Commercial Bank arasynda ózara túsinistik jáne yntymaqtastyq týraly memorandým;
6. Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligi men Presight kompaniiasy arasynda Qazaqstan Respýblikasynda sýperkompiýter klasterin qurý jónindegi kelisim;
7. «QazMunaiGaz» UK» AQ men Abu Dhabi Ports Group arasyndaǵy saýda flotyn keńeitý boiynsha yntymaqtastyqty damytýǵa qatysty hattama;
8. «QazaqGaz» UK» AQ men AIQ arasynda munai-gaz salasyn tsifrlandyrý baǵytyndaǵy yqpaldastyq máseleleri boiynsha strategiialyq yntymaqtastyq jónindegi kelisim;
9. Túrkistan oblysy ákimdigi men Abý Dabi damý qory arasynda Túrkistan qalasynda sheih Muhammed ben Zaid Ál Nahaian atyndaǵy perzenthana qurylysyn salý jáne qarjylandyrýǵa qatysty ózara túsinistik týraly memorandým;
10. Qazaqstan Respýblikasy Kólik ministrligi men Terminals Astana Airport Limited arasynda Astana qalasynyń Nursultan Nazarbaev halyqaralyq áýejaiy men oǵan irgeles aýmaqty damytýǵa investitsiia salý týraly kelisim.
Budan bólek, qujat almasý rásiminde Qazaqstan Respýblikasy Úkimeti men Birikken Arab Ámirlikteri Úkimeti arasynda jel elektr stantsiiasy jobasyn iske asyrý týraly kelisimniń ratifikatsiialanǵany týraly habarlandy.
