Búgin Qazaqstannyń Belgiiada taǵaiyndalǵan Elshisi Marǵulan Baimuhan Belgiia Koroldigi Syrtqy ister ministrligi Shyǵys jáne Ońtústik-Shyǵys Eýropa, Ortalyq Aziia departamentiniń direktory Liýk Libaýtpen kezdesti.
Júzdesý barysynda taraptar ekijaqty jáne kópjaqty formattaǵy Qazaqstan-Belgiia yntymaqtastyǵynyń qazirgi ahýaly men perspektivalaryn talqylady, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Qazaqstan Prezidenti Qasym-Jomart Toqaevtyń bastamasymen «tyńdaityn memleket» tujyrymdamasy aiasynda Qazaqstanda júrgizilgen saiasi reformalardy talqylaý suhbattyń jeke taqyryby boldy.
L.Libaýt Memleket basshysy usynǵan jańashyldyqtarǵa oń baǵa berdi.
Ekonomikalyq diplomatiia aiasynda suhbattasýshylar aýylsharýashylyq jáne jeńil ónerkásip salasyndaǵy yntymaqtastyq perspektivalaryn talqylady. Sondai-aq, taraptar belgiialyq AWEX jáne FIT investitsiialyq agenttikteriniń qoldaýymen 2021 jyldyń kúzinde josparlanǵan belgiialyq kásiporyndardyń Qazaqstanǵa sapary týraly aitty.
Vaktsina jasaý salasyndaǵy yntymaqtastyq sheńberinde diplomattar Qazaqstan men Belgiiadaǵy halyqqa egý tájiribesimen bólisti. M.Baimuhan belgiialyq áripteske qazaqstandyq «QazVac» vaktsinasy týraly aqparatty usyndy.
Kópjaqty yntymaqtastyq sheńberinde EO men EQYU aiasyndaǵy ózara is-qimyl máseleleri, sondai-aq 2021 jyly 10 mamyrda Briýsselde ótken «Qazaqstan Respýblikasy - Eýropalyq Odaq» Yntymaqtastyq Keńesiniń 18-shi otyrysynyń nátijeleri talqylandy.
Kezdesý qorytyndysy boiynsha taraptar Qazaqstan-Belgiia qatynastaryn ár túrli baǵytta damytý týraly ýaǵdalasty, sonymen qatar eki el arasyndaǵy ózara is-qimyldy arttyrýdyń birlesken josparlaryn belgiledi.
2005-2020 jyldarda Belgiianyń Qazaqstan ekonomikasyna salǵan investitsiiasynyń kólemi 8,9 mlrd. AQSh dollaryn qurady. 2020 jyly Qazaqstan men Belgiia arasyndaǵy saýda kólemi 2019 jylmen salystyrǵanda 8%-ǵa tómendep, 322 mln. AQSh dollaryn qurady.
Qazaqstanda Belgiia kapitalynyń qatysýymen 75 kompaniia tirkelgen, olar jańartylatyn energiia kózderi, himiialyq ónimder óndirisi, onkologiialyq klinikalarǵa meditsinalyq jabdyqtarmen qamtamasyz etý salasynda birqatar jobalardy júzege asyrady.
