Qazaqstan men Belarýs qaýipsizdik keńesteriniń apparattary arasynda keńeitilgen josparly konsýltatsiialar ótti, dep habarlaidy Aqordanyń baspasóz qyzmeti.
Búgin Nur-Sultan qalasynda Qazaqstan Respýblikasy men Belarýs Respýblikasy qaýipsizdik keńesteriniń apparattary arasynda keńeitilgen josparly konsýltatsiialar ótti.
Taraptar kezdesý barysynda qaýipsizdik pen osy saladaǵy ózara is-qimyldardyń ózekti máseleleri boiynsha pikir almasty.
Áskeri jáne áskeri-tehnika salasyndaǵy yntymaqtastyqtyń perspektivalary talqylandy, sondai-aq kiberqaýipsizdik jáne basqa da baǵyttardaǵy jańa syn-qaterler qarastyryldy.
Koronavirýs pandemiiasynyń álemde áli de jalǵasyp jatqanyn eskere otyryp, konsýltatsiianyń kún tártibine búgingi kúnniń talabyna orai, biologiialyq qaýipsizdikti basqarý júiesi týraly másele engizildi.
Sonymen qatar Qazaqstan men Belarýs tarapy Ulttyq qaýipsizdik táýekelderin baǵalaý jónindegi qyzmetti uiymdastyrýdyń óz tásilderin usyndy.
Jumys qorytyndysy boiynsha Prezidenttiń Kómekshisi – Qaýipsizdik Keńesiniń hatshysy Áset Isekeshev pen Belarýs Respýblikasy Qaýipsizdik Keńesiniń Memlekettik hatshysy Aleksandr Volfovich eki eldiń Qaýipsizdik Keńesteri apparattarynyń arasyndaǵy 2022-2023 jyldarǵa arnalǵan yntymaqtastyq josparyna qol qoidy.
