Minsk qalasynda Qazaqstan jáne Belarýs qaýipsizdik keńesteri apparattarynyń arasyndaǵy keńeitilgen josparly konsýltatsiialar ótti, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy Qalmuhanbet Qasymov jáne Belarýs Respýblikasy Qaýipsizdik Keńesiniń Memlekettik hatshysy Stanislav Zas tóraǵalyq etken kelissózder barysynda eki memleket arasyndaǵy yntymaqtastyqtyń ózekti máseleleri talqylandy.
Taraptar álem jáne óńirlik qaýipsizdiktiń qazirgi ahýaly boiynsha pikirlerin bildirdi. Aqparattyq qaýipsizdik salasyndaǵy búgingi qaýip-qaterler jan-jaqty qozǵaldy. Taraptar osy saladaǵy tájiribelerimen bólisti.
Eki memlekettiń aqparattyq qaýipsizdigin qamtamasyz etý maqsatynda áriptestiktiń tiimdiligin arttyrý boiynsha birlesken usynystar pysyqtaldy.
Sonymen qatar qonsýltatsiialar barysynda qorǵanys salasyndaǵy halyqaralyq yntymaqtastyqtyń ártúrli aspektileri jáne áskeri-tehnikalyq ekijaqty ózara is-qimyldyń qazirgi jaǵdaiy men perspektivalyq baǵyttary qaraldy
Budan basqa, 2020 jyly qańtar aiynan bastap Ujymdyq qaýipsizdik týraly shart uiymynyń Bas hatshysy laýazymyna S.Zastyń kirisýine bailanysty Belarýs Respýblikasynyń tóraǵalyǵy sheńberinde osy halyqaralyq uiymynyń basym baǵyttary sóz boldy.
Jumys nátijeleri boiynsha eki eldiń memlekettik organdaryna naqty tapsyrmalar berildi.
Qaýipsizdik keńesteriniń apparattary arasyndaǵy konsýltatsiialar qabyldanǵan yntymaqtastyq josparyna sáikes turaqty negizinde jalǵasa bermek.
