Qarjylyq monitoring agenttigi terrorizm men ekstremizmdi qarjylandyrýǵa qarsy is-qimyl jónindegi sharalar sheńberinde Qazaqstan men Aýǵanstan arasyndaǵy aqsha aǵynyna monitoringti kúsheitti, dep habarlaidy QazAqparat QR QMA baspasóz qyzmetine silteme jasap.
Bul týraly Agenttik tóraǵasy Janat Elimanov TMD-ǵa qatysýshy memleketterdiń QBB basshylarynyń qatysýymen ótken terrorizmdi qarjylandyrýǵa qarsy is-qimyl jónindegi jumys tobynyń otyrysynda málimdedi.
Aǵymdaǵy jyly Qazaqstannan Aýǵanstanǵa aqsha qarajatynyń aǵyny 68%-ǵa tómendegeni baiqalady.
Aqsha aýdarymdarynyń negizgi bóligi aldymen qajetti taýarlar eksportymen jáne kólik qyzmetterimen bailanysty.
Táýekelderdi azaitý úshin Aýǵanstanmen barlyq aqsha aýdarymdaryna joǵary táýekel deńgeii berildi.
Bul baǵytta elder arasynda aqsha qarajatyn aýdarýdy júzege asyratyn qarjylyq monitoring sýbektilerine baqylaý kúsheitildi.
