Búgin QR Densaýlyq saqtaý ministri Aleksei Tsoi armian áriptesi Anait Avanesianmen kezdesý ótkizdi, dep habarlaidy "Ult aqparat" vedomstvonyń baspasóz qyzmetine silteme jasap.
Kezdesý barysynda ministrlikterdiń basshylary ekijaqty yntymaqtastyqtyń basymdyqtaryn belgilep, vaktsinatsiia pasporttaryn ózara taný týraly jariialady.
Armeniia vaktsinatsiialaý pasporty Qazaqstanda tanylǵan 17-shi memleketke ainaldy.
«QR aýmaǵynda kelesi elderde berilgen azamattardyń KVI-ǵa qarsy vaktsinatsiialaýdyń pasporttary/sertifikattary/anyqtamalary jaramdy dep tanylsyn: Argentina Respýblikasy, Vengriia, Grýziia, Iran Islam Respýblikasy, Iordaniia, Qyrǵyz Respýblikasy, Maldiv Respýblikasy, Mońǵoliia, Armeniia Respýblikasy, Belarýs Respýblikasy, Moldova Respýblikasy, Perý Respýblikasy, San-Marino respýblikasy, Serbiia, Týnis Respýblikasy, Úndistan Respýblikasy, Filippin Respýblikasy, Tailand, Túrkiia Respýblikasy, Estoniia Respýblikasy», - delingen eldiń bas dárigeriniń qaýlysynda.
Budan basqa, sapar sheńberinde Eýraziialyq ekonomikalyq odaqqa múshe memleketterdiń óndirisi Eýraziialyq ekonomikalyq odaqta 2024 jylǵa deiin qamtamasyz etilýi tiis strategiialyq mańyzdy dárilik preparattarmen jáne meditsinalyq qoldanýǵa arnalǵan farmatsevtikalyq sýbstantsiialarmen qamtamasyz etilý deńgeiin arttyrý jónindegi is – sharalar jospary talqylandy.
Sondai-aq, Qazaqstan densaýlyq saqtaý ministri áriptesterimen birge Erebýni meditsinalyq ortalyǵyna bardy, ol eldiń eń iri meditsinalyq mekemesi bolyp tabylady, onda halyqqa álemdik standarttarǵa sáikes kóp beiindi, joǵary bilikti meditsinalyq kómek kórsetiledi.
