Qazaqstan jáne AQSh Aýyl sharýashylyǵy ministrlikteriniń ókilderi mal sharýashylyǵy salasyndaǵy yntymaqtastyq máselelerin talqylady, dep habarlaidy "Ult aqparat" vedomstvonyń baspasóz qyzmetine silteme jasap.
Baspasóz qyzmetiniń málimetinshe, Qazaqstan Respýblikasynyń Aýyl sharýashylyǵy ministrligi jáne AQSh memleketiniń ýákiletti organy telekonferentsiia ótkizdi, onda mal sharýashylyǵyndaǵy biologiialyq qaýipsizdik máseleleri boiynsha yntymaqtastyq múmkindigi talqylanǵan.
«Amerika eliniń ókilderi qaýipti aýrýlardy anyqtaý jáne diagnostikalaý daǵdylaryn arttyrý úshin veterinarlyq mamandardy oqytýdy qarastyratyn «Biologiialyq qaýipti azaitý baǵdarlamasy» aiasynda yntymaqtastyqty usyndy. Atap aitqanda, veterinariia mamandary men malshylardy oqytý, veterinariialyq beiindegi oqý baǵdarlamalaryn jáne kásibi litsenziialaý júielerin ázirleý, turaqty damý boiynsha seminarlar ótkizý, asa qaýipti patogenderden týyndaǵan aýrýdy anyqtaý jáne diagnostikalaý boiynsha oqý materialdaryn jańartý jáne taratý máseleleri talqylandy», delingen habarlamada.
Sonymen qatar, AQSh tarapy qazaqstandyq mal ósirýshilerge DDU/HEB/FAO-men úshjaqty yntymaqtastyq negizinde asa qaýipti patogender boiynsha eseptilikti anyqtaý, diagnostikalaý jáne uiymdastyrý úshin «Biryńǵai ulttyq densaýlyq» qurylymyn ázirleýge jáne institýt qalyptastyrýǵa járdem kórsetýge daiyn.
