Elimizdegi barlyq mekteptiń terrorizmge qarsy qorǵanysy tekserilip jatyr. Bul týraly QR IIM Ákimshilik politsiia komitetiniń tóraǵasy Murat Baimuqashev málim etti, dep habarlaidy QazAqparat.
«Ishki ister ministrligi Qazandaǵy oqiǵaǵa bailanysty ishki ister organdary basshylarymen shuǵyl jiyn ótkizdi. Ulttyq bilim berý júiesindegi mekemelerdegi balalar men eresek adamdardyń qaýipsizdigin qamtamasyz etý máselesi qaraldy. Memleket basshysynyń tapsyrmasymen qysqa ǵana ýaqyttyń ishinde bilim berý organdarymen birge búkil mekteptiń terrorizmge qarsy qorǵanysy zerdelenetin bolady. Bul jumysty taiaý kúnniń ishinde aiaqtaimyz», - dedi komitet tóraǵasy Ishki ister ministrliginde ótken baspasóz máslihatynda.
Onyń atap ótýinshe, atalǵan jumystyń nátijesinde Úkimetke barlyq bilim berý uiymdaryn qajetti tehnikamen jabdyqtaý jáne ótkizý rejimin kúsheitý boiynsha usynystar toptamasy engiziledi.
«Ishki ister ministrligi qoǵamdyq qaýipsizdikti qamtamasyz etýdi jáne balalar máselesin basty nazarda ustaidy. Bul máselege qoǵam bolyp mán berý kerek», - dedi Murat Baimuqashev.
Eske sala keteiik, 11 mamyrda Tatarstannyń Qazan qalasyndaǵy mektepte qos qylmysker oq jaýdyrǵan bolatyn.
Atys kezinde 8 adam qaza taýyp, taǵy 21-i zardap shekti.
