Foto: QR OAM
Jańa oqý jylynan bastap elimizdiń bilim berý júiesinde jasandy intellekt (AI) elementteri kezeń-kezeńimen engiziledi, dep habarlaidy Ult.kz.
QR Oqý-aǵartý ministrliginiń baspasóz qyzmetiniń habarlaýynsha, ózgerister bilim berý salasyndaǵy jahandyq úrdister men halyqaralyq úzdik tájiribelerdi eskere otyryp júzege asyrylady. Júie Qazaqstandaǵy bilim berý erekshelikteri, mamandardyń pikiri jáne oqýshylardyń qajettilikteri negizinde qurylady.
2025–2026 oqý jylynda AI integratsiiasy eń aldymen «Tsifrlyq saýattylyq» jáne «Informatika» pánderinde bastalady. Bul baǵytta jasandy intellektini qoldanýdyń etikalyq standarttary bekitildi. Oqýshylarǵa arnalǵan Day of AI onlain-kýrstary, al muǵalimder úshin úsh deńgeili biliktilikti arttyrý baǵdarlamalary ázirlenedi.
Sonymen qatar, ministr jańa formattaǵy «Keleshek mektepterin» basqarý máselelerine toqtaldy. Memleket basshysynyń tapsyrmasyna sáikes jańa basqarý standarty daiyndaldy. Ulttyq joba mektepterinde jumys isteitin 3 myńnan astam pedagog úsh kezeńnen turatyn oqýdan ótti. Jańa model qyrkúiekten bastap iske qosylady. Ádistemelik súiemeldeý Y. Altynsarin atyndaǵy Ulttyq akademiiaǵa júktelgen.
