Kelesi jyly orta mektepterdegi "Dintaný negizderi" oqýlyǵy "Qoǵam jáne din" dep atalatyn jańa oqýlyqpen almastyrylýy múmkin. Bul týraly búgin qoǵamdyq damý ministrligi qoǵamdyq kelisim komiteti mádenietter jáne dinder halyqaralyq ortalyǵynyń direktory Aidar Ábýov málimdedi, dep habarlaidy Sputnik Qazaqstan.
Ábýovtiń aitýynsha, orta mektepterge arnalǵan "Qoǵam jáne din" oqýlyǵy ázirlenip, bilim jáne ǵylym ministrliginiń talqysyna usynylǵan.
"Oqýlyq birneshe saraptamalyq keńesten ótti. Qazir ministrdiń aldynda jatyr. Eger ministrlik muny tezirek qabyldasa, onda kelesi jyly "Dintaný negizderiniń" ornyna "Qoǵam jáne din" oqýlyǵy engizilýi tiis", — dedi ol Qazaqstan dintanýshylarynyń VIII forýmynda.
Ol dintaný páni boiynsha oqý baǵdarlamasyn jańartý qajettiligi Qazaqstandaǵy qazirgi jaǵdaimen bailanysty.
"Búgingi tańda elimizdegi ahýal on jyl burynǵy jaǵdaimen salystyrýǵa kelmeidi. Dintaný – bul matematika emes. Ártúrli jaǵdailar men syn-qaterlerge bailanysty taqyryptar da ózgerip turady. Oqýshylarǵa dinniń qoǵamdaǵy rólin aiqyn ári anyq túsindirý kerek", — dedi sarapshy.
