Foto: QR OAM
Jańa oqý jylynan bastap elimizdegi mektepterde alǵash ret stomatologiialyq kabinetter jumysyn bastady. Bul bastama Memleket basshysynyń balalardyń qaýipsizdigi men densaýlyǵyn qorǵaý jónindegi tapsyrmasy aiasynda iske asyrylyp jatyr, dep habarlaidy Ult.kz.
Qazirgi tańda mundai kabinetter 150 mektepte ashyldy. Jyl sońyna deiin taǵy 90 kabinet iske qosylady. 2028 jylǵa deiin myńǵa jýyq mektep zamanaýi stomatologiialyq kabinettermen qamtylmaq. Bul kabinetterde tis aýrýlarynyń aldyn alý, aýyz qýysy aýrýlaryn erte diagnostikalaý jáne sanitarlyq-aǵartýshylyq jumystar júrgiziledi.
Budan bólek, 1 qyrkúiekten bastap mektep ashanalarynda tamaqtanýdyń jańa standarty engizildi. Densaýlyq saqtaý uiymdary mázirdiń sapasyn baqylaýdy óz qolyna aldy. Jańa standartta tuz ben qant mólsherine shekteý qoiylyp, balalardyń ratsionyna paidaly taǵamdar qosyldy.
Oqý-aǵartý ministri Ǵani Beisembaev pen Densaýlyq saqtaý ministri Aqmaral Álnazarova elordalyq mektepterge baryp, osy jańashyldyqtardyń júzege asyrylýyn tekserdi.
Aita keteiik, búginde 1–4 synypta oqityn 1,8 millionnan astam bala jáne áleýmettik osal toptaǵy 5–11 synyp oqýshylary tegin ystyq tamaqpen qamtylyp otyr.
