Qazaqstan mektepterinde birinshi toqsan aiaqtalýǵa jaqyn. Oqýshylar 28 qazannan bastap kúzgi demalysqa shyǵady.
Bilim jáne ǵylym ministrligi 2019-2020 oqý jylyna arnalǵan oqýshylar demalysynyń merzimin bekitti. 2-11-synyp oqýshylary 34 apta oqidy jáne 30 kún demalady. Al 1-synyp oqýshylaryna qysta qosymsha kanikýl qosylyp otyr. Sondyqtan olardyń oqý merzimi - 33 apta.
Qysqy demalys qashan bastalady?
Ekinshi toqsan 4 qarashada bastalady. Oqýshylar qysqy kanikýlǵa 30 jeltoqsan kúni shyǵady. 2-11-synyp oqýshylarynda 30 jeltoqsan – 8 qańtar aralyǵynda demalys bolady. Al 1-synyp oqýshylaryna aqpanda qosymsha demalys beriledi. Sondyqtan olar 30 jeltoqsan – 8 qańtar jáne 3-9 aqpan aralyǵynda demalady.
Kóktemgi demalys qashan bastalady?
Oqýshylardyń kóktemgi demalysy 21 naýryz - 2 sáýir aralyǵyna bekitilip otyr. Tórtinshi toqsan 3 sáýir bastalady.
Eń uzaq, iaǵni jazǵy demalys sońǵy qońyraýdan keiin 26 mamyrda bastalady.
