Elimiz mektepke deiingi bilim berý boiynsha aldyńǵy elder qatarynda. Bul týraly QR Bilim jáne ǵylym ministrliginiń jaýapty hatshysy Aryn Órsariev málim etti, dep habarlaidy "Ult aqparat".
«Qazir bizdiń el bilim berý salasynda álem elderi arasynda joǵary pozitsiiada tur. Naqty aitqanda, mektepke deiingi bilim berý boiynsha Qazaqstan úzdik on eldiń qataryna kiredi. Bul - óte jaqsy kórsetkish. Bul degenimiz - «Balapan» baǵdarlamasynyń durys júzege asyrylýy, oǵan dálel qazaqstandyq balalar 95% mektepke deiingi bilim berýmen qamtylǵan. Sondai-aq elimiz orta bilim berý boiynsha da jaqsy kórsetkishterge ie. Atap aitqanda, TIMSS halyqaralyq baǵdarlamasy boiynsha biz úzdik 30-dyqqa kiremiz. Árine sheshilýi tiis máseleler joq emes» - dedi A.Órsariev elordada ótken ustazdar kúnine arnalǵan merekelik keshte.
Onyń sózine sensek, bilim salasyndaǵy kúrdeli máselelerdiń biri pedagogtardyń mártebesi.
«Táýelsizdik alǵaly kóptegen zertteýler men saraptama jasaldy. Sol sekildi túrli zertteýler nátijesinde baiqaǵanymyz bizde pedagog mártebesiniń tiisti deńgeide bolmaýy. Sonymen qatar, biz muǵalimderdiń jalaqysy boiynsha Ortalyq Aziia boiynsha biraz elderden arttamyz», - dedi ol.
Eske sala ketsek, keshe elordada ustazdar kúnine orai «Qaldyrǵan iziń mángilik» atty merekelik shara ótti.
