Foto: primeminister.kz
Qazaqstan Qytai jáne Ózbekstanmen sý resýrstaryn damytý týraly kelisimderge qol qoiady. Bul týraly Úkimet otyrysynda Sý resýrstary jáne irrigatsiia ministri Nurjan Nurjigitov málim etti, - dep habarlaidy Tengrinews.kz saity.
Ministrdiń aitýynsha, qujattarǵa qol qoiý memleketaralyq sý qatynastaryn damytý úshin qajet.
"Qazaqstan men Ózbekstan úkimetteri arasynda transshekaralyq sý nysandaryn birlesip basqarý jáne paidalaný týraly, sondai-aq Qazaqstan men Qytai arasyndaǵy transshekaralyq ózenderde sý bólý týraly kelisimderge qol qoiý josparlanǵan", - dedi Nurjigitov.
Sheneýnik halyqaralyq yntymaqtastyqtyń mańyzdy quramdas bóligi Ortalyq Aziiadaǵy sý-energetikalyq yntymaqtastyq mehanizmin damytý bolyp tabylatynyn atap ótti.
Nurjan Nurjigitov "Halyqaralyq sý aǵyndaryn navigatsiialyq emes paidalaný quqyǵy týraly konventsiiany ratifikatsiialaý týraly" zań jobasy Senattyń qaraýyna jiberilgenin eske saldy.
"Konventsiia búkil álem boiynsha transshekaralyq ózenderdi, kólderdi jáne olarmen bailanysty jer asty sýlaryn ádil jáne turaqty basqarýǵa járdemdesýdiń jahandyq quqyqtyq mehanizmin bildiredi. Konventsiianyń taraptary - 37 el. Qazaqstanmen shektes memleketter ishinen konventsiia taraby tek Ózbekstan bolyp tabylady", - dedi ministrlik basshysy.
