Koronavirýs infektsiianyń taralýyna tosqaýyl qoiý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde aldyn alý jáne baqylaý sharalaryn kúsheitti. Bul týraly QazAqparat «Qazaqstan temir joly» kompaniiasyna silteme jasap habarlaidy.
Koronavirýs infektsiianyń taralýyna tosqaýyl qoiý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde aldyn alý jáne baqylaý sharalaryn kúsheitti. 15 tamyzdan bastap Alashankoý stantsiiasynda (QHR) Covid-19 indetiniń jańasha qarqyn alýyna bailanysty qytai tarapy tek konteinerlik poiyzdardy qabyldap, Qytai-Eýropa-Qytai tranzittik dálizi boiynsha ótetin júkterge basymdyq bere otyryp, poiyzdardy qabyldaýdy/jóneltýdi shektedi.
Qazirgi ýaqytta QR IIDM «QTJ» UK» AQ-men birlesip osy máseleni sheshý úshin barlyq qajetti sharalardy qabyldaýda:
-júkterdiń 80%-yn Altynkól-Qorǵas stantsiiasyna qaita baǵyttaý;
- konteinerlik júkter úlesiniń artýy;
- «QTJ» UK» AQ jáne Úrimshi temir joly basshylyǵy deńgeiinde apta saiynǵy kezdesýler jáne shekara mańyndaǵy stantsiialar bastyqtary deńgeiinde kúndelikti keńester ótkizý.
Kelissózder qorytyndysy boiynsha, Úrimshi temir jolynyń basshylyǵy qazirgi ýaqytta osy másele boiynsha jergilikti Úkimetpen jumys júrgizilip jatyr dep málimdedi. TJB shekteýlerin alyp tastaǵan jaǵdaida shtattyq jumys rejimine kóshýge daiyn.
8 aidyń qorytyndysy boiynsha QR men QHR arasyndaǵy júk tasymaly 14,4 mln tonnany qurap, 2% - ǵa artty, onyń ishinde konteinerlik tasymal – 579 myń JFE, ótken jyldyń sáikes kezeńimen salystyrǵanda 35%-ǵa artty.
Jaǵdai QR Úkimetiniń turaqty baqylaýynda.
