Qazaqstan ýaqytsha karantindik fitosanitarlyq sharalar qoldanyp, Qyrǵyz Respýblikasy men Ózbekstan Respýblikasynan keibir ónimderdi ákelýge tyiym saldy, dep habarlady agroónerkásip kesheniniń memlekettik inspektsiia komiteti tóraǵasynyń orynbasary Almasbek Mars.
Qyrǵyzstannan azyq-túliktik jáne tuqymdyq kartop, alma, qurma ákelýge, sondai-aq Ózbekstannan anar jemisin tasymaldaýǵa shekteý qoiylady.
"Sońǵy kezderi Qyrǵyz Respýblikasy men Ózbekstan Respýblikasynan jetkiziletin ónimderdiń karantinge jatqyzylýy jiilep ketti, dálirek aitqanda alma, qurma jáne anardan Komstok qurty, kartoptan altyn tústes kartop nematody tabyldy. 2018 jyl men biylǵy qańtar-aqpan ailarynda Qazaqstanǵa Qyrǵyz Respýblikasynan jetkizilgen karantinge jatqyzylǵan júkterdi tekserý barysynda biryńǵai karantindik fitosanitarlyq talaptardy buzýdyń 465 jaity tirkelgen, onyń ishinde karantinge jatqyzylǵan ónimniń 59 ret karantindik obektilermen zaqymdanýy anyqtaldy", - dep atap ótti Almabek Mars.
Jyldyń sońǵy aiynda Ózbekstan aýmaǵynan jetkizilgen anardan Komstok qurty tabylypty.
