Qazaqstan Táýelsizdiginiń 30 jyldyǵyna arnalǵan «Kóshbasshylyq. Turaqtylyq. Progress» atty halyqaralyq ǵylymi-praktikalyq konferentsiiada BUU burynǵy Bas hatshysy Pan Gi Mýn beinebailanys arqyly baiandama jasady, dep habarlaidy QazAqparat.
«Aldymen barlyq qatysýshylardy Qazaqstan Respýblikasy Táýelsizdiginiń 30 jyldyǵymen shyn júrekten quttyqtaýǵa ruqsat etińizder. Qazaqstan men Ortalyq Aziia aimaǵynyń dosy retinde Qazaqstannyń sońǵy 30 jylda qanshalyqty alǵa basqany jóninde oi júgirtý men úshin kóńil súisinterlik jait. Barshańyzǵa belgili, óz elimniń otarshyldyqtan soǵysqa, al demokratiia úshin kúresten ekonomikalyq ósý men turaqtylyqqa qalai jetkeniniń kýásimin. Kedeishilikti, soǵysty, ósý men ornyqtylyqty óz kózimmen kórgen men úshin Qazaqstannyń tabysty ósýge, turaqtylyqqa jáne aimaqtaǵy kóshbasshy bolýǵa aparatyn óz joly men traektoriiasynyń kýási bolý zor maqtanysh», - dedi saiasatker.
Sondai-aq BUU burynǵy Bas hatshysy óziniń týǵan eli Koreia Respýblikasy men Qazaqstannyń yntymaqtastyǵy beki túsýine tilektes ekenin bildirdi.
«Men bul tabysqa negizinen Qazaqstannyń Tuńǵysh Prezidenti joǵary mártebeli Nursultan Nazarbaev pen Qazaqstan basshylyǵynyń arqasynda qol jetkizildi dep sanaimyn. Olar «Qyrǵi qabaq soǵystyń» burynǵy oshaǵyn úmittiń, halyqaralyq yntymaqtastyq pen iadrolyq qarýdan aza aýmaqtyń simvolyna ainaldyrdy. Qazaqstannyń táýelsizdiginiń alǵash moiyndaǵan elderdiń biri Koreia men Qazaqstan arasyndaǵy tyǵyz ekijaqty qarym-qatynastar týraly árqashan erekshe yqylaspen oilaityn bolam. Qazaqstannyń aimaqtyq kóshbasshy retinde órkendeýi jalǵasyp otyrǵandyqtan, aimaqtyq turaqtylyqty saqtaýǵa, Koreiamen qarym-qatynasyn nyǵaitýǵa jáne 2030 jylǵa deiingi ornyqty damýǵa baǵyttalǵan barlyq igi umtylystarynda Qazaqtannyń tabysqa jetýine tilektespin. Biz COVID-19 pandemiiasy bastalýynyń eki jyldyq mejesine birtindep jaqyndaǵan saiyn Qazaqstan halqyna zor densaýlyq pen tabys tileimin. Aldaǵy 30 jyl ishinde jáne odan keiingi kezeńde beibitshilik pen órkendeýdi tileimin», - dedi Pan Gi Mýn.
