قازاقستان تەۋەلسٸزدٸگٸنٸڭ 30 جىلدىعىنا ارنالعان «كٶشباسشىلىق. تۇراقتىلىق. پروگرەسس» اتتى حالىقارالىق عىلىمي-پراكتيكالىق كونفەرەنتسييادا بۇۇ بۇرىنعى باس حاتشىسى پان گي مۋن بەينەبايلانىس ارقىلى بايانداما جاسادى, دەپ حابارلايدى قازاقپارات.
«الدىمەن بارلىق قاتىسۋشىلاردى قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىمەن شىن جٷرەكتەن قۇتتىقتاۋعا رۇقسات ەتٸڭٸزدەر. قازاقستان مەن ورتالىق ازييا ايماعىنىڭ دوسى رەتٸندە قازاقستاننىڭ سوڭعى 30 جىلدا قانشالىقتى العا باسقانى جٶنٸندە وي جٷگٸرتۋ مەن ٷشٸن كٶڭٸل سٷيسٸنتەرلٸك جايت. بارشاڭىزعا بەلگٸلٸ, ٶز ەلٸمنٸڭ وتارشىلدىقتان سوعىسقا, ال دەموكراتييا ٷشٸن كٷرەستەن ەكونوميكالىق ٶسۋ مەن تۇراقتىلىققا قالاي جەتكەنٸنٸڭ كۋەسٸمٸن. كەدەيشٸلٸكتٸ, سوعىستى, ٶسۋ مەن ورنىقتىلىقتى ٶز كٶزٸممەن كٶرگەن مەن ٷشٸن قازاقستاننىڭ تابىستى ٶسۋگە, تۇراقتىلىققا جەنە ايماقتاعى كٶشباسشى بولۋعا اپاراتىن ٶز جولى مەن تراەكتوريياسىنىڭ كۋەسٸ بولۋ زور ماقتانىش», - دەدٸ ساياساتكەر.
سونداي-اق بۇۇ بۇرىنعى باس حاتشىسى ٶزٸنٸڭ تۋعان ەلٸ كورەيا رەسپۋبليكاسى مەن قازاقستاننىڭ ىنتىماقتاستىعى بەكي تٷسۋٸنە تٸلەكتەس ەكەنٸن بٸلدٸردٸ.
«مەن بۇل تابىسقا نەگٸزٸنەن قازاقستاننىڭ تۇڭعىش پرەزيدەنتٸ جوعارى مەرتەبەلٸ نۇرسۇلتان نازارباەۆ پەن قازاقستان باسشىلىعىنىڭ ارقاسىندا قول جەتكٸزٸلدٸ دەپ سانايمىن. ولار «قىرعي قاباق سوعىستىڭ» بۇرىنعى وشاعىن ٷمٸتتٸڭ, حالىقارالىق ىنتىماقتاستىق پەن يادرولىق قارۋدان ازا اۋماقتىڭ سيمۆولىنا اينالدىردى. قازاقستاننىڭ تەۋەلسٸزدٸگٸنٸڭ العاش مويىنداعان ەلدەردٸڭ بٸرٸ كورەيا مەن قازاقستان اراسىنداعى تىعىز ەكٸجاقتى قارىم-قاتىناستار تۋرالى ەرقاشان ەرەكشە ىقىلاسپەن ويلايتىن بولام. قازاقستاننىڭ ايماقتىق كٶشباسشى رەتٸندە ٶركەندەۋٸ جالعاسىپ وتىرعاندىقتان, ايماقتىق تۇراقتىلىقتى ساقتاۋعا, كورەيامەن قارىم-قاتىناسىن نىعايتۋعا جەنە 2030 جىلعا دەيٸنگٸ ورنىقتى دامۋعا باعىتتالعان بارلىق يگٸ ۇمتىلىستارىندا قازاقتاننىڭ تابىسقا جەتۋٸنە تٸلەكتەسپٸن. بٸز COVID-19 پاندەميياسى باستالۋىنىڭ ەكٸ جىلدىق مەجەسٸنە بٸرتٸندەپ جاقىنداعان سايىن قازاقستان حالقىنا زور دەنساۋلىق پەن تابىس تٸلەيمٸن. الداعى 30 جىل ٸشٸندە جەنە ودان كەيٸنگٸ كەزەڭدە بەيبٸتشٸلٸك پەن ٶركەندەۋدٸ تٸلەيمٸن», - دەدٸ پان گي مۋن.
