Qazaqstan Ulttyq Olimpiada komiteti quramanyń Tokio Olimpiadasyna arnalǵan kiim úlgisin usyndy, - dep habarlaidy "Ult aqparat".
"Salta" brendimen tanymal Saltanat Baimuhamedova Olimpiadaǵa arnalǵan kiimniń dizaineri bolǵan. Qazaqstandyq sportshylarǵa arnalǵan sporttyq formany Ispaniianyń Joma kompaniiasy daiyndaǵan.
Tokioǵa arnalǵan jiyntyqty daiyndaýda sportshylarǵa dizain, matalar men tigin buiymdary boiynsha sheshýshi tańdaý berildi. Biyl qańtardan bastap elimizdiń jetekshi sportshylary olimpiadalyq kiimdi tańdaýǵa arnalǵan saýalnamalar, prezentatsiialar men kezdesýlerge qatysty.
"Árbir sportshy úshin Olimpiada oiyndary - bul sport mansabyndaǵy eń mańyzdy oqiǵa, armanǵa bastaǵan, uzaq jylǵa sozylǵan qajyrly jattyǵýdyń nátijesi.
Olimpiadany keiinge qaldyrý, básekelestik tájiribeniń bolmaýy, irikteý týrnirlerin shegerý nemese olardyń kúntizbeden alyp tastalýy syndy oqiǵalar byltyrdan beri Tokio Olimpiadasy sheńberinde belgizizdik boldy. Búginde bizdiń mindetimiz - olarǵa barlyq jaǵynan, sonyń ishinde olimpiadalyq kiim siiaqty máselelerde barynsha qolaily jaǵdai jasaý. Sondyqtan, 35 sportshydan turatyn komissiia formany tańdaý quqyǵyn aldy jáne olar ózderi Tokioda kiiýge ne yńǵaily bolatynyn anyqtady", - dedi Ulttyq Olimpiada komitetindegiler.
"Olimpiadalyq forma qandai bolatynyn tańdamas buryn, sportshylardyń ózinen pikir surady. Biz matalardy tańdaýǵa qatysyp, eskizderdi talqyladyq, usynystar jasadyq. Olimpiada oiyndarynda syrtqy kelbet qana emes, sonymen qatar formanyń da mańyzy zor", - deidi Eldos Smetov.
"Sportshylar úshin eń aldymen sapa men jailylyq mańyzdy, óitkeni bul bizdiń kelesi daiyndyq jáne jumys aptalaryna arnalǵan kiimimiz. Biz úshin mańyzdy faktor óte kóp. Bárinen buryn onyń naqtylyǵy, dáldiligi, jinaqylyǵy mańyzdy. Sportshylardyń kiimderin arnaiy kútip qaraýyna ýaqyty bolmaidy. Kóp ýaqyt jolda ótkizetindikten ońai kirlenbeitin, myjylmaityn kiim úlgisi bolǵany jaqsy. Sebebi sapaly matadan tigilgen kiimder kiiýge jáne erkin qozǵalýǵa yńǵaily. Biz ótken olimpiadalarǵa qatysý tájiribemizdi eskere otyryp, óz usynystarymyzdy jiberdik. Biz barlyq tilegimizdiń oryndalǵanyna óte qýanyshtymyz", - deidi Olimpiada chempiony Dmitrii Balandin.
Olimpiadalyq kiim formasy kejýal formatynda tańdalǵan. Dizainer kollektsiianyń yńǵailyǵyna, beriktigine, shydamdylyǵyna kepildik beredi, sonymen qatar bul kiimderge kútim jasaý ońai jáne myjylmaidy dep atap ótti, Olimpiada formasynyń dizaineri Saltanat Baimuhamedova.
Paradtyq formany sportshylar Olimpiada oiyndarynyń ashylý parady jáne basqa da saltanatty sharalar kezinde kiedi. Kiim formasynyń tujyrymdamasy bizdiń qazirgi zamanǵy mádeni úilesimdi kórsetedi. Qazaqstan búginde - bul bizdiń eldiń kórnekti ókilderi júzege asyratyn dástúrli jáne ýltra modernizmniń, innovatsiianyń, qarqyndy damýdyń, mádeni jáne sporttyq ekspansiianyń biregei stili.
Sportshylar Tokioǵa 16 shildede ushady. Olimpiada aldynda ulttyq qurama Olimpiada bazalarynda eki aptalyq karantinde bolady.
