Ispaniianyń Malaga qalasynda búgin Devis kýbogy toptyq kezeńiniń jerebesi tartyldy, dep habarlaidy QazAqparat.
Qazaqstan tennis federatsiiasy málim etkendei, toptyq kezeń matchtary biylǵy 14-18 qyrkúiekte tórt qalada ótedi.
Qazaqstan quramasy D tobynda Glazgo qalasynda kort ieleri – Ulybritaniia, sondai-aq AQSh jáne Niderlandy quramalarymen oinaidy.
2019 jyly Madridte qazaqstandyqtar toptyq kezeńde Ulybritaniia jáne Niderlandy tennisshilerimen synǵa túsken bolatyn.
Onda Qazaqstan quramasy niderlandylyqtardan 2:1 esebimen basym túsip, dál sondai eseppen ulybritaniialyqtarǵa jol bergen edi.
Al AQSh quramasymen alǵash ret sheberlik baiqaspaq.
Sondai-aq A tobynda Boloniada Italiia, Horvatiia, Argentina, Shvetsiia quramalary ózara kúshtini anyqtaidy.
V tobynda Valensiiada Ispaniia, Kanada, Serbiia jáne Ońtústik Koreianyń joldary túiisedi.
C tobynda Gambýrgte Germaniia, Frantsiia, Belgiia jáne Aýstraliia quramalary kortqa shyǵady.
Devis kýbogynyń toptyq kezeńi alǵash ret tórt qalada ótse, plei-off básekeleri Malagada bolady.
Plei-off kezeńine ár toptan eki úzdik komanda joldama alady. Kýboktyń sheshýshi oiyndary 23-27 qarashada ótip, jeńimpaz anyqtalady.
Eske sala keteiik, budan buryn tennisten Qazaqstan jasóspirimder quramasynyń Indoneziiany oisyrata utqanyn jazǵan bolatynbyz.
Sondai-aq qazaqstandyq tennisshi Rimde negizgi týrnirge joldama aldy.
