Qazaqstan quramasy V Dúniejúzilik kóshpendiler oiyndarynda toǵyzqumalaqtan chempion atandy, dep habarlaidy "Ult Aqparat".
Astanada ótken V Dúniejúzilik kóshpendiler oiyndaryndaǵy toǵyzqumalaq saiysy sátti aiaqtalyp, Qazaqstannyń sportshylary joǵary nátije kórsetti.
41 memleketten kelgen 114 qatysýshy arasynan Qazaqstannyń ulttyq quramasy 4 medal jeńip aldy. Erler arasynda Beksultan Bostandyqov chempion atansa, Ersultan Áýelbai úshinshi orynǵa ie boldy. Áielder arasynda Móldir Serikqyzy jeńimpaz atanyp, Ańsaǵan Qazanǵap kúmis júldeni ielendi. Jalpy komandalyq esepte Qazaqstan birinshi orynǵa shyqty.
Dúniejúzilik kóshpendiler oiyndary ár eki jyl saiyn ótedi, al biylǵy oiyndar "Uly daladaǵy kezdesý" uranymen uiymdastyryldy. Oiyndarǵa álemniń 89 memleketinen eki myńnan astam sportshy qatysyp, 21 sport túri boiynsha jarysýda.
