Búgin Qazaqstan quramasy elordada fýtboldan 2022 jylǵy álem chempionatyna irikteý satysynda kezekti oiynyn ótkizdi, dep habarlaidy QazAqparat.
Finliandiiaǵa qarsy kezdesýde qazaqstandyq jankúierler quramadan jeńis kútkeni anyq. Degenmen oiyn barysynda finliandiialyq fýtbolshylar jinaqy qimyl kórsetti. Nátijesinde 45, 47-minýttarda Temmi Pýkki mergendik tanytty. Budan keiin tablodaǵy esep ózgergen joq.
Kezdesýde qazaqstandyq fýtbolshylar qarsylasyna 0:2 esebimen ese jiberdi.
Sondai-aq, búgin elorda ýaqytymen 00:35-te Ýkraina óz alańynda Bosniia jáne Gertsogovinany qabyldaidy.
Qazaqstan quramasy buǵan deiin alty oiyn ótkizdi. Úsheýinde teń nátije tirkelip, úsheýinde qarsylastaryna ese jiberdi.
Aita keteiik, qazaqstandyq qurama irikteý satysynda D tobynda synǵa túsedi. Qarsylastary - Frantsiia, Ýkraina, Bosniia jáne Gertsogovina, Finliandiia.
Endi Qazaqstan quramasy kelesi oiynyn 13 qarashada syrt alańda Frantsiia quramasymen ótkizedi. Sol kúni Finliandiia Bosniia jáne Gertsogovinamen kezdesse, 16 qarashada óz alańynda Frantsiiany qabyldaidy.
